Jornadas Sefardis 2017, en San Millan de la Cogolla, 13-15 Noviembre Este anyo es el 20en aniversario de las Jornadas Sefardis, organizadas por la Fundacion San Millan de la Cogolla

Las Jornadas fueron organizadas en kada dos anyos i esto muy orgulyoza de dizirvos ke yo asisti a kaji kada organizasyon desde 2004. San Millan es la kuna ande nasio i kresyo el Espanyol i es por esto ke en estas Jornadas Sefardis, siempre se estudia la lingua Judeo-Espanyol. Se melda tekstos antiguos, se analizan eskritas linguistikamente i durante 2 o 3 dias, se oye el Judeo-Espanyol. Este anyo el tema es Purim. Yo tengo dos sesiones. En la primera va avlar (siguro en Judeo-Espanyol) de la Megila de Saragossa. Aki rengrasio el Rav Isak Alaluf i el Sr. Hayim Samuel, el eredor de la megila, por sus ayudas. Mi sesion sera un entretenimiento ande va kontar anekdotas, va mostrar dichas i vamos a kantar todos endjuntos siguro en Judeo-Espanyol. Los detalyos, los vash a pueder meldar en El Amaneser del mez de Disiembre.

 

 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın! Yorum yapabilmek için üye girişi yapmanız gerekiyor...
Üye Girişi yapmak için Tıklayın