Nasio el 21 de Septembre, 1934, en Quebec, Westmount, en una famiya notable de la komunita judia. En un reportaje, en 1967, konta ke sus padres lo engrandesieron komo un mashiah i le inkulkaron ke era el desendiente de Harun, el ermano de Moshe el patriarko... Mizmo si en los anyos 1970 se intereso i florto a la Scientology en Hollywood i otros ensenyamientos komo el Budizmo en 1990, nunka no abondono sus raises judias.
El kanadiano avia eskrito sus poemas antes de desharmos la buena vida el 7 Novembre 2016, djusto antes un anyo.
La Imprimeria Canongate Books se esta preparando a imprimar los poemas de Leonard Cohen. El editor dize:
“El fuego de su alma se va ekspozar
Estos poemas van a provar la imensa kariera akademika de Leonard Cohen.
Vamos a deskuvrir en sus ovras, su mundo intimo i remarkavle.
Su boz enkantadora i unika va penetrar i gustar muestras almas...”
El album preparado: BLUE ALERT, se kompoza i kontiene tambien los poemas artistikos ke Cohen preparo por el kantador Anjani Thomas.
Las ilustrasiones desinadas son desinadas por el mizmo.
El anyo pasado, Cohen, en su reportaje al NEW YORKER, kon DAVID REMNICK, avia atorgado:
“Va estar pronto para la muerte, kuando va eskapar este ovra. Yo so un amorozo de Camus, Garcia Lorca i Ching.”
John Hammond, el kritiko de arte ke avia deskuvierto Bob Dylan, Count Basie, Aretha Franklin, avia dicho:
“TU ESTAS PRONTO POR UN ALBUM.”
Su menajer Robert Kory tambien:
“Los dalkavos poemas seran prontos por editar”.
Marianne su espoza, su amor uniko, avia por siguro inspirado Cohen...
“Dance me to the end of love” tuvo grande sukseso.
“Hallelujah” es una melodia remarkavle. La fraza en esta kansion de Cohen:
“Ma tu no te enteresas a la muzika, es vedra?” mos trava en tokando a varias realidades de la vida...
Asperando su album, rengrasiamos LEONARD COHEN:
LA MUZIKA SIERVE A ADULSAR LAS KOSTUMBRES.
