3’en Konkurso Internasional de Piano – Istanbul Orchestra’Sion 13-19 Novembre 2017

NDS es miembro de la Fondasion Alink-Argerich desde 2013, i de la Federasion Mundial de Concours Internationaux de Musique desde 2017.

Esti SAUL Judeo-Espanyol
6 Aralık 2017 Çarşamba

Kon el alto patronato del Ambasador de Fransia en Turkiya, Su Ekselensia Sr. Charles Fries,

Kon el apoyo de la Grande Munisipalidad de Estanbol,

del Instituto Fransez en Turkiya,

de la Radio i Television turka TRT

El presidente del Konkurso, Mr. Yann de Lansalut,

El presidente del Juri Mr. Vahan Mardirossian,

i los miembros del juri,

mos invitaron al final ansi ke a la seremonia de Gala i la distribusion de premios,

Alhad, el 19 de novembre en la sala de konserto del Liseo Notre Dame de Sion entre 15.00-17.00).

A las 19:00, la ermoza sala de konserto Cemal Reşit Rey, avrio sus puertas para resivir i ofresermos un kokteyl,

i a las 20:00, la Gala i la distribusion de premios.

Los finalistos: Mamikon Nahapetov (Rusia), Georgy Voylochnikov (Georgia), Shaun Chao, uno mijor del otro, mos regalaron un konserto inolvidavle.

Todo fue filmado, enrejistrado i difuzado por TRT.

El Konkurso Internasional de Piano – Istanbul Orchestra’Sion tiene por objektivo de promover los muzisienes de un nivel internasional, ke son seleksionados de las kuatro puntas del mundo...

La mision es animada por el plazer de ofreser la realizasion muzikal, i permeter de azer enkontrar los muzisienes i el juri kompozado de grandes konsertistos internasionales.

Orchestra’Sion es una etapa importante por la kariera de los konsertistos jovenes, i  aspira a devenir mas tadre un evenimiento muzikal mayor en Turkiya, en la rejion Mediteranea i en el mundo...

Un grande rengrasio a Mr. Yann de Lansalut, direktor fransez del Liseo NDS i presidente del Konkurso, ansi ke a Suzan Sevgi, la direktrisa turka del Liseo NDS.