Batya Natan

YAMA=Yaacov Agam Museum Of Art Muzeo De Arte Yaacov Agam

YAMA=Yaacov Agam Museum Of Art Muzeo De Arte Yaacov Agam

las ovras multikolores del muy famozo artista kinetiko, plastiko i eskultor Israelyano. I ay 65 anyos ke el artista esta lavorando sovre skulpturas interaktivas entre el arte i el espektador. El muzeo es fondado sovre 3200 metros kare i se nombra YAMA, ke kijo dizir Yaacov Agam Museum of Art. En el rededor (etraf) se topa una guerta yena de skulpturas ke fueron dezinyadas por el arkitekto, David Nofar.

A la entradura del muzeo i aryento ay 29 kolonas pintadas de milkolores. Estas kolonas son dedikadas a su defonda mujer Clilia. Las egsibisyones son de una skala ke empesa de pinturas bidimensional (iki boyutlu) i se alargan fina vitrayes i panos dijitales interaktivos. Agam munchas vezes emplea kreasyones optikas ke tyenen partes mobiles i envitan al espektador a mirar las imajes de diferentes angulas (açı) komo se konstata en la fuente ke se yama “Fire and Water Fountain” (Fuente de Flama i Agua) ke se topava en Tel Aviv en la Plaza Dizengoff. Agora komo ay ayi reparasyones para azer un kamino muevo, la fuente se transporto a otro lugar por un syerto tyempo.

En su arte ke se yama “Agamogram” ke se topa en el Museo de Arte de Tel Aviv, Agam dize, “En jeneral la djente ke vijitan un muzeo para ver una pintura, se mete enfrente, mira i mira i dospues pasa a otra ovra. Ma kon mis ovras, si te metes enfrente i miras no vas a entender nada. Yo kero ke los ke vyenen a ver mis ovras, kaminen i miren a mi ovra de todo modo de angulas (açı) porke mi arte troka de forma del lugar ke se mira. Su arte es una koreografiya de relasyones entre el spektador i la ovra.

Unas kuantas de sus ovras ke se topan en YAMA, mas antes fueron enstaladas en munchos muzeos i enstitusyones konosidas i nombradas en el mundo komo el Guggenheim Museum en Bilbao i en  Lincoln Center en New York. A poko a poko munchas de sus ovras ke se topan en syertas koleksyones en el mundo i en Israel se van a trayer a YAMA.

Las ovras dinamikas i infinitas de milimil kolores atiran a los chikos i a los grandes de igual manera. YAMA va sirvir komo un nido para las ekspozisyones de sus ovras i tambiyen va aver aktividades komo seminaryos, performansas, konferensiyas, workshops en linguas Ebreo, Ingles i Arabo.

Si el kamino vos pasa por ayi i mas mijor sera si apartash un diya para vijitar este lugar sera muy bueno. Por esto vos eskrivere el adreso.

YAMA 1 Meishar Street Rishon Le Zion Israel

Al vermos.

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın
380