Batya Natan

Adar i Ve Adar

Adar i Ve Adar

Asigun el kuento de los mezes, Adar es el sejen mez a partir de de Rosh Ashana. (Mez de Tishri). En konsiderandolo a partir de la salida de Misrayim, Adar, es el dodjen (12) mez ampesando de Nisan. Ansi ke la mayoria de los mezes Ebreos, es de orijin Babiloniano i sinyifika “granero”. En este mez, los kampos se aparejan para la sembradura.

Adar, syendo el ultimo mez del invyerno, tiene una otra sinyifikasyon komo eskuro i enuvlado. Tengo tambien meldado ke, en este mez, espesyalmente en Yerushalayim se enkasavan los Shekalim destinados para el Sanktuaryo. El buto era de merkar ofrendas publikas ansi ke menesteres kolektivos. Se reparavan los kaminos, las kalejas, las fuentes ke se aviyan danyado kon las luvyas del invyerno. Esto todo deviya estar pronto antes el arrivo de los pelegrinos de Pesah. Kon el arrivo de Adar puja la alegriya. En este mez se realizo munchas maraviyas para el Puevlo Djudio. El miraklo de Purim es uno de estos. 

En el Horoskop, el sinyo zodiakal de este mez es el Peshe. En sinyo de abondansa, el Sinyo tiene un nombre al plural: PISCIS. Keridos lektores, djusto aki kero transmeter un komentaryo ke tengo meldado. “Los 2 peshkados del Zodiak es una aluzyon a los 2 Mezes Adar i Veadar (ke vyene) en un Anyo Emboliko del Kalendaryo Ebraiko. Vo perkurar a eksplikar en el grado de mi konosensya.

En baza, el Kalendaryo Ebraiko es lunar i atado al torno de la Luna en el derredor de la Tyerra (Mundo). Este torno se kompleta aproksimativamente en 29 diyas i medyo, lo ke aze 354 diyas en 12 mezes, de 11 a 12 diyas mankos ke el kalendaryo Solar. Por dar un egzempyo, en el anyo aktual, 5778 (oganyo)  no tenemos VEADAR. Keridos lektores, espero ke no ize munchos yerros en keryendo dar estas eksplikasyones.

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın