El Muzikal “NOTRE DAME DE PARIS” En Estambol - 2 Novembre 2018

El kantador-aktor Kanadiano Pierre Garand (GAROU) va inkarnar “Quasimodo”, la ovra de VICTOR HUGO. Garou va fiestar su kariera de 20 anyos en Estambol, Volkswagen-Arena.

Esti SAUL Judeo-Espanyol
17 Ekim 2018 Çarşamba

Parvino a djugar tres diferentes rolos, karakteres.

En un reportaje, responde a las kestiones: “Reelmente me gusta partikularmente los proyektos diferentes”.

- Tendras un karakter komun kon Quasimodo?

- Si, no, absolutamente, penso ke puede ser mi fiziko parese tambien?

Onestamente, al empesijo kuando me propozaron el rolo, estava siguro ke no me iva konvenir, no seria kapache... En dando vida al personaje de Quasimodo, me konvensi i aksepti la propozision del senaristo.

Bushki i topi en mi mizmo las penas ke bivi en mi chikez. I orozamente esto me ayudo a inkarnar este rolo difisil.

Puedo deskrivirme ansi:

Yo, GAROU, so onesto, orijinal, loko i pasionado...

Para respondervos:

Mi pasion, en mi mansevez, no era de ser artisto, ma mi sonyo era de ser arkeologo...

Puedo dizir ke oy, grasias a las “turnés” inombrables, so un antropolojisto.

Sos un Kanadiano de Quebec. Tienes albumes en fransez i inglez. Puedes partajar tambien tus sensasiones kuando kantas en estas dos linguas?

La muzika, las melodias en inglez i los biervos poetikos en la lingua franseza, me dan un guste imenso...

Un aktor ke vos influenso en vuestra kariera?

Ray Charles, sin duda...

Suetamos munchos anyos de kariera en shena al reputado PIERRE GARAND (GAROU) ke va enkarnar QUASIMODO en Estambol.

 

 

Siz de yorumunuzu yapın

Tüm Yorumları Görün