Melodias Sefaradis en las Festividades de 23 de Avril

El koro Sefaradi de kreaturas Estreyikas d’Estambol partisipo kon sus kantikas en Judeo-Espanyol a las festividades de 23 Avril en Kadıköy.

Henri ÇİPRUT Judeo-Espanyol
30 Nisan 2019 Salı

El koro Estreyikas d’Estambol, dirijado por Izzet Bana, partisipo a las festividades de 23 de Avril, Dia de Soverenidad Nasyonal i Fiesta de Kreaturas, organizado por la munisipalidad de Kadikoy en Selamiçeşme Özgürlük Parkı.  Estreyikas d’Estambol salyo a la shena kon el koro del Sentro de Arte de Kreaturas de la Munisipalidad de  Kadikoy (Kadıköy Belediyesi Çocuk Sanat Merkezi) i la orkestra del mizmo sentro akompanyo a estos dos koros en sus performansas. Los dos koros kantaron endjuntos las kantikas We Are The World i otras kantikas muy konosidas sovre la fiesta de 23 de Avril. 

El koro Estreyikas d’Estambol fue kompozado por Selina Özberk, Layza Albukrek, Kayla Layıktez, Reyna Haleva, Jim Sparkes, Eyal Granti, Barış Bahar, Daniel Mazliah Çiprut, Berty Bahar, Nedim Besalel, Cem Hara, Keyli Pekşen i Rayka Layıktez. Fue un momento admiravle kuando las kriaturas de Estreyikas d’Estambol kantaron la kantika en ladino Si Veriash a la Rana i las kriaturas del Sentro de Arte de Kriaturas de Kadıköy se adjuntaron a eyos en los refranes en turko de la kantika, “Ben Sen severim” (Yo te Kero).

Siz de yorumunuzu yapın

Tüm Yorumları Görün