Un evenimyento, una dicha/un proverbo

Judeo-Espanyol
19 Haziran 2019 Çarşamba

Eyal&Silvyo Ovadya

 

Kon la pasensya I la fatiga, el elefante se kazo kon la ormiga

Sabır ve çalışma ile fil karıncayla evlendi

Kuando las kriyaturas empesan a la eskola no savemos lo ke se va pasar durante los estudios. Oy en diya reelmente es muy difisil de pueder ser achetados por syertas universidades renomadas en el mundo i kreo ke kale empesar a lavorar de la primera klasa. I kale azer un esforso inasemejante (benzersiz) para pueder reushir. Komo mi ijo va eskapar el liseo el anyo ke vyene reelmente esto sigiendo lo ke se pasa en este kampo. Por esta razon tengo la posibilidad de saver komo se deve de estudyar en esta epoka. Kinze anyos antes kuando mi ija eskapo el liseo i ke se fue a los Estados Unidos para estudiar en una buena universitad, era kompletamente diferente i mas fasil.

  Un amigo de mi ijo ke no era un elevo muy briyante en la eskola primera, kuando paso al grado superior - antes de ir al lise – empeso a lavorar diya i noche i a la fin estava tomando la mijor nota en la klasa i alkanso de ser achetado por el mijor lise (ke resive los elevos kon la mijor nota). I aya esta lavorando diya i noche para ser achetado en una de las mijores universidades de los Estados Unidos. Le esto demandando de vez en kuando a mi ijo komo esta la situasyon de su amigo. Komo no konose esta dicha me diyo syertas eksplikasyones i le dishe: “Kon la pasensya i la fatiga, el elefante se kazo kon la ormiga”.

Çocuklar okula başladıkları zaman veliler ne ile karşılacaklarını bilmezler. Günümüzde dünyanın seçkin üniversitelerine kabul edilmenin çok da kolay olmadığını bunun için neredeyse birinci sınıftan itibaren çalışmaya başlamak gerektiğine inanıyorum. Ve başarabilmek için eşsiz bir çaba göstermek gerekir. Oğlum seneye liseden mezun olacağı için bu alandaki gelişmeleri takip ediyorum. Bu devirde de nasıl çalışılması gerektiği ile ilgili bilgi sahibi oluyorum. On beş yıl önce kızım liseyi bitirip Birleşik Devletlerdeki iyi bir üniversiteye kabul edilmek için bu denli zorluklarla karşılaşmadığını biliyorum.

Oğlumun bir arkadaşı ilkokulda çok parlak bir öğrenci değildi. Orta okula başlayınca gece gündüz ders çalışmaya başladı ve sınıfın en yüksek notlarını almayı başardı. Bu azim ve çalışmanın neticesinde de İstanbul’un en yüksek derece ve puanla öğrenci kabul eden lisesine girmeyi başardı. Orada da gece gündüz çalışarak ABD’deki en iyi üniversitelerden birine kabul edilmeyi istiyor. Oğluma bazen arkadaşlarının çalışmasının nasıl gittiğini soruyorum. Bu deyişi bilmediği için uzun uzun anlatıyor. Ben de ona şöyle söylüyorum: “Kon la pasensya i la fatiga, el elefante se kazo kon la ormiga / Sabır ve çalışma ile fil karınca ile evlendi”

NB: Este proverbo fue mensionado por la kerida Rachel Amado Bortnick en Ladinokomunita, i este modo me vino al tino…

 

 

 

Siz de yorumunuzu yapın

Tüm Yorumları Görün