Mueva PublIkasIon de LIBRA: Una Ijika Chika de Galata de Coya Delevi

Muestra kerida autora Coya Delevi, kon su Judeo-Espanyol maraviyozo i su memoria ekstraordinaria, mos regala un otro livro de valor immensa para muestra lingua i kultura sefardi. Felisitamos a Coya de todo muestro korason i le auguramos munchos anyos mas kon salud buena para ke pueda eskrivir todo ke rekojo en su memoria. Munchas grasias, kerida Coya. KŞ

Judeo-Espanyol
6 Kasım 2019 Çarşamba

Coya Delevi konta sovre el kontenido de su livro maraviyozo:

Un rekolyo de suvenires de una vida de 80 anyos i mas. La istorya de una ijika chika de Galata…

Kuando empesi a este lavoro, a relatar mi vida, empesando de mi chikez, mi adolesensya, mi manseves i maturidad pasaron delantre mis ojos komo un filmo.

Fue un grande felisidad para mi, de aver reushido de akodrarme kon todos los detalyos, lo ke vide, lo ke sinti i naturalmente los evenimyentos ke bivi durante mas de una peryoda de 80 anyos. Perkuri a akodrarme los uzos i tradisyones ke, por lo mas estan para ser olvidados i pensi ke manera konservarlos en la mezura de mi pueder i kapachidad. Esto era de primera emportansa para mi. Eskrivi sovre la vida tradisyonal de los Djudios de Çorlu, Tekirdağ i Galata. En kontinuando, preferi avlar sovre mis lavoros konsernando muestra lingua tradisyonala el Judeo-Espanyol. Estos lavoros miyos teniyan un buto importante: dar un mesaje sovre lo ke se puede azer para konservar i alargar la vida de muestra lingua.

 

Siz de yorumunuzu yapın

Tüm Yorumları Görün