“Un chiste para sonriir”

Judeo-Espanyol
26 Şubat 2020 Çarşamba

İsak Eskinazi

 

El ombre yama al garson en un restorante de la maale.

“Garson, mira ver, beve esta supa”.

El Garson shaskin le demanda, “Ke afito? No esta bastante kaynte?” El ombre ensiste: “Beve esta supa”.

El garson ya no save ke demandar: “Kayo una moshka, ay un kaveyo o la savor no le gusta?”

El ombre ensiste: “Beve de esta supa i vas a ver lo ke ay”.

A la fin el garson aksepta i mira de ver ande esta la kuchara! “No esta aki la kuchara”, le dize...

El kliente se irita: “Vez, no ay kuchara i es por esto ke te yami”…

Siz de yorumunuzu yapın

Tüm Yorumları Görün