3 Nisan 2020 Cuma 14:48

Los 70 anyos

Dora TREVES Judeo-Espanyol 2481 görüntüleme
18 Mart 2020 Çarşamba

Una eskritura partajada kon mi, ma ke no konosko el eskritor. Lo remersyo.

Le demandi a una de mis amigas: “Komo de trokamyentos te sintites kuando teniyas 65 anyos i aserkandote a los 70? Me enbiyo esta eskritura muy enteresante ke me plazeriya partajar la kon todos vozotros.

1. Despues de tantos anyos de amar a mi famiya, mi karyera, mi pozisyon agora empesi a kerer bien i a mis viejos amigos.

2. Me apersivi ke yo no so un atlas, no tengo de kargar el mundo sovre mis ombros.

3. Deshi de negosyar kon vendedores de frutas i verduras. Despues de todo, pensi ke si pago algunas liras mas demaziya, no se va avrir un burako en mi djuzdan, no me va emproveser, ma unas kuantas liras demaziya pueden ayudar a pagar los gastes de eskola a la ija del prove.

4. Kuando pago al shofor del taxi, no esto tomando el resto de lo ke pagi. Ganar un poko ekstra le puede meter sonrizas en la kara. Despues de todo el se kansa mas muncho ke yo.

5. A los vyejos, mas no les digo “ya me tyenes kontado esto”. Despues de todo, estas istoryas ayudan a revivir sus rekuerdos i a revivir el pasado.

6. Me ambezi a no enderechar a las personas kuando se yerran. Despues de todo no es mi responsabilita de no azer ke todos seyan perfektos. La paz es mas emportante de la perfeksyon.

7. Avuo ke ize munchos yerros. Avuar no es solo bueno para mi, si no tambien para mi estado moral.

8. Me ambezi a no okuparme muncho de las rugas u de las manchas en mi kara. Komo rezultado, la personalidad es mas emportante ke la aparensya.

9. Evito de diskutar kon otras personas. Para tener buenas relasyones mijor es si no saven la emportansa de las relasyones, ma yo ya lo se.

10. Kuando una persona me kereriya eliminar kon sus djugos suzyos, mantengo el kalmo. Despues de todo no esto ni suzyo, ni yarisheyando kon dingunos.

11. Me ambezi a no averguensarme de mis emosyones. Mis sentimentos me azen mas umano.

12. Me ambezi ke es mijor deshar mi ego a un lado, en lugar de romper una relasyon. El ego me azera estar solo, mientres ke las relasyones nunka me desharan solo.

13. Me ambezi a bivir todos los diyas komo si fuera mi ultima diya. I puedeser ke akel diya sera mi ultima diya.

14. Me ambezi a azer kozas ke me plazen, despues de todo so responsable de mi alegriya i no de la alegriya de las otras personas.

Yo penso ke esto todo ya esta muy byen pensado, dicho i eskrito. Ma veremos si lo puedemos pratikar.

Un grande BRAVO al ken lo puede.

Al vermos kon sanedad i alegriya.

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

GS2

Tünelin Ucu- İzel Rozental

Tünelin Ucu- İzel Rozental

Vizyondakiler

Vizyondakiler