27 Mayıs 2020 Çarşamba 05:30

10 Propozisyones para protejar la salud mental

Anet PASE Judeo-Espanyol 1918 görüntüleme Sesli Dinle
20 Mayıs 2020 Çarşamba

La semana pasada, el 29 de Avril, la psikologa Leyla Navaro, izo una reunyon enriva del Zoom, sovre La Psikolojiya de la Sanedad en los Diyas de la Pandemiya

Mos konto sovre el “sar”; komo el sar da reaksiyones al puerpo del benadam. El sistema nervioso del benadam kuando toma sar es programado a protejarse de si para si. En estos diyas de pandemiya kale protejar la sanedad del sistema imun.

Kuando viene un mal a la persona, o una peryita de un serkano, o komo de estos diyas de pandemiya, en primero es ke viene un shok. Despues lo nyegamos, despues viene la furia, i la depresyon. Despues la persona empesa a dizir de si para si ke la situasyon es por todos i no sovre el/eya mizmo. I se kalma. 

La ansya, la preokupasyon es lo mizmo. Toma al benadam esklavo. Los sentimyentos vienen afuerte. Desesperasyon; deke no esto puedyendo ir a ver mis inyetos, keremos ver a los keridos. Indeterminado; despues de un mes va pueder ir a mi lavoro? Va pueder ir a la kampanya? Va pueder entrar a la mar? Enfasyo, deziluzyon, tristeza… esto todo esta mantenyendo la trauma. Lo ke estamos sintyendo no es anormal, las reaksyones ke estamos dando son muy normal, porke la situasyon esta anormal. En este momento la psikologa Navaro mos konseja el livro de V. Frankel, un sovrebiviente de los kampos.  I despues el lavoró sovre de logoterapia. El livro se tradusio al Turko kon el nombre İnsanın Anlam Arayışı-  Man’s Search For Meaning; el eskrivano mos dize; yo krei a mi salvasyon. Yo krei ke iva salir de este kampo. Esto es kuerda de la salvasyon. En estos diyas de pandemiya la salvasyon es kreer. Kreer a la famiya, kreer a  la relijion. 

Kontar lo ke estas sintyendo en tu korason es bueno. Porke sintir a otras personas ke estan sintyendo las mizmas kozas ke ti te va dar un poko de pasensya. Te va dar la fuersa de reziztensya. Por esta razon estamos avlando por el zoom. Mos estamos arekojiendo en la media sosial. Iluzyonar te va vinir bueno. Gizar kozas muevas, pintar, esto todo es para eliminar los sentimyentos malos. I aktividades mentales son buenos para alesharse del evenimyento espantozo. 

Leyla Navaro mos propoza 10 kozas para la sanedad mental:

  • Proteja tu rutina: esto te va trayer persistensiya, seguridad i rezistensya
  • Da responsabilidad a tu famiya: esto engrandese a las kreaturas chikas, tomar polvos, aparejar el dezayuno.
  • Ordena de muevo ande estas morando: Enderechar los kashones te va dar un sentimyento de livyanar.
  • Ser informado: Esto es para kontrolar la vida. Ke esta afitando? Estate despierto ma aze atansiyon de tomar enformasyones korektas.
  • Ser sosialmente aktivo i responsavle: Esto te da fuersa i te aze poderozo.
  • Utiliza muncho el umor: El umor te aze bivo. 
  • Mozotros no semos viktimas, semos aktores: No yorar a lo ke semos, devemos kitar lisiones de los diyas ke estamos pasando.
  • No piedras tu esperansa: La esperansa mos mantiene bivos. 
  • Dize syempre grasyas al Dio: Mi salud esta buena. Yo i mi entorno estan buenos. Grasyas al Dio.  

 

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR