Süzet Fransez

The New York Boyer Foundation rengrasia Suzet Fransez por su partisipasion al Konkurso Internasional Amerika-Evropa-Asia, kon sus kreasiones ke ganaron los 5 primer premios entre tantas ovras... Süzet Fransez: Sus ovras apresiadas son las skulpturas Zenne, Sagacity i Autumn.

 

Kerida Süzet, te felisitamos por tu sukseso i te suetamos munchos otros premios... Prezentamos tus opiniones:

Komo la vida es un teatro, la kreatividad es un djugo ke te aze segir tus instinktos. Desde mi chikez tenia una tendensia para los artes. Aviya ganado el konkurso de balet en el konservatoryo de Istanbul. Ma la vida no kontinua komo empesa. Komo dize Voltaire “las personas empesan la vida kon sus imajinasyones i fantazias; ma mas los anyos pasan i mas entienden ke los esuenyos se desparesen.

Aviamos estudiado lo ke se deve “ekonomia, filolojia” i no lo ke se kere...

Despues de terminar las obligasyones vitales, antes serka mas de tres anyos empesi la skulptura. Mi ensenyador me estava diziendo “este arte te estava asperando a ti, deves de kontinuar seriozamente”. Ya avia terminado serka de 30 skupturas entre 55-95 sm de altor. Por koensidensia supe ke avra un konkurso de pinturas i skulpturas organizada por una fundasyon internasyonal bazada en New York i partisipi kon 3 skulpturas. Fue una grande sorpreza i alegria de ser elijida entre los 5 premios (prize).

Me akodri de la anekdota ke, el tipo roga para ke le salga el piyango (loteria) i el Dio le responde “ayudame un poko, merka un bilieto.”

Kerida Süzet Fransez, te sueto, ansi ke mis amigos i lektores del Şalom:

ALEGRIA EN LOS KORASONES POR LA FIESTA DE SUKOT...