Dos Konsertos i dos ekspozisyones en Andirne

No esto eskapando de avlarvos sovre diferentes aktividades kulturales. Esta semana vos va avlar sovre el konserto de Yasmin Levy ke se va realizar en la Sinagoga d’Andirne el 28 del mez de nisan. Un diya despues de la fin de Pesah i sinko diyas antes ke va empesar “el Ramadan”, diya de alhad komo kada anyo vamos a estar en Andirne para el konserto de Yasmin Levy. Kantadora muy konosida en muestro payis i ija del famozo musikologo Isaac Levy ke nasyo en Manisa serka de İzmir en el anyo 1919 i kon su famiya imigraron a la Palestina kuando teniya tres anyos. Durante anyos el era el responsavle de los programes de judeo-espanyol en la Radio Kol Israel. El era un musikologo muy emportante. Eskrivyendo este artikolo topi en el internet dos emportantes albumes del sinyor Isaac Levy i tuve el plazer de oyir su boz maraviyoza. Malorozamente mos desho la buena vida muy mansevo a sus 58 anyos en el 1977. En un viyaje a Israel merki un CD en judeo-espanyol de la kantadera Kohava Levy. I kuando un amigo vido este album me disho ke esta kantadera es la madre de Yasmin Levy i la mujer del famozo Isaac Levy. I kualo asperash de la ija de estos famozos muzisyenes: Yasmin Levy es la fruta de este kazamyento. I vamos a tener la posibilitad de ver la I de oyer la en un lugar asemejante. Ya savemos ke vyene a Estanbol unas kuantas vezes al anyo porke tyene una grande muchedumbre de espektadores (seyirci kitlesi). Eya kanta kantes en Espanyol i syertos en djudesmo. Kanta syertas kantikas ke konosemos en ladino ma tyene una enterpretasyon diferente. Kreo ke va ser un diya reushido.

  El mizmo diya kon muestro amigo Metin Delevi estamos aparejando una ekspozisyon sovre las kartas postales de Edirne. Kreo ke va ser un grande sukseso. Estamos arekojendo kon munchas difikultades las kartas de los koleksyonaryos porke empesimos kon personas yerradas. Ma vamos a gerrear fin a la fin para pueder azer esta ekspozisyon. I espero ke este sujeto no va kaver a la galeriya en un anyo.

  Vos keriya avlar de una otra ekspazisyon sovre: “Los Ermenis d’Andirne” una ekspozisyon kuradada (küratörlüğünü üstlenmiş) por Rakel Meşulam i kreada sovre el livro del Mediko Roy Arakelian. Vos va tratar este sujeto la semana venidera…

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın