El Spektakolo del Grupo Shemesh Karmiel

Dia de vyernes un amigo ke lavora en muestro echo oyo ke estava bushkando syertas personas para el konsyerto de Yasmin Levy ke se va realizar en Andirne; i me disho ke me puediya ayudar dando un mesaj al grupo Shemesh Karmiyel ande mas de trezientas personas de 5 anyos asta kuarenta i sinko anyos estan tomando parte. Les embiyo i sinko puntos despues empesaron a demandar syertas demandas. I me demando si saviya ke noche de alhad (despues ke se eskapa el Shabat) tenian un spektakolo kon 320 almas en la misma shena. No era muy lojiko. Un spektakolo kon trezientas i vente almas. Demandi a mi mujer i bushki a Tuna Alkan ke es la patrona de este grubo i de este proyekto. Lavoro muncho para darles apoyo. Para topar paras. Komo se kontenta kon poko reelmente reusho ke este grubo se enfortese de diya en diya. Lavoro kon mansevas modestas ma ambisyozas (hırslı). Si no, no era posivle de realizar este modo de spektakolos.

Si muestra komunidad de diiseshmil almas tyene un grupo asemejante, los fransezes o los inglezes devian de tener grupos de syete/ocho mil personas. I kreo ke no egziste una koza asemejante.

I kreo ke los Israelyanos les ayudaron bastante porke meresian este apoyo.

Kon lo ke baylaron, kon la armonia ke tenian, kon las vistimyentas ke estavan vistyendo, kon la emosyon ke teniyan, kon la ambisyon de baylar ke tenian, kon la gana ke los estava entusyasmando mos izyeron bivir dos oras maraviyozas. Reelmente no es muy kolay de partajar esta emosyon sin youtube o sin videos. Vos va meter unas kuantas fotos para ke puedash realizar lo ke vimos en esta shena maraviyoza.

 

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın