La soledad i estar solo es el sintimyento de arrankamyento (koparılma) de la vida. La soledad es un sentimyento ke es mas adelantre de la mankura de los amigos i alliados (dost).
El ke se syente solo se syente leshos de la komunidad.
De vez en kuando las personas keren estarsen solos i tomar plazer. Esto es un konsepto diferente.
La persona ke se syente sola se syente abandonada, aryento de una depresyon; no tyene konfiensa en si mizmo, dezezperada, todo lo ke afita es sin senso, sin valor, tyene ravya a todo modo de evenemento.
La djentorya en las stasyones del metro, en los sentros de empleo (alışveriş merkezleri), las avenidas (caddeler), los lugares de piknik, los lugares de divertimyentos (eğlence), no abastesen a sintirmos solos mizmo en estos bruidos.
Todos endjuntos, ma solos i sekos kon los penseryos.
La soledad empesa de muestro nasimyento.
La primera fraza (cümle) ke oyemos es: “Vinido bueno i klaro” (hoş geldin). Esta fraza es la mas entima i la mas pura (saf) ke oyemos en muestra vida.
Kuando los anyos pasan i ke mos engrandesemos; mos apersivimos (farkına varmak) ke la entimitad del entorno se esta aminguando, los penseryos devyenen mas negativos kon los problemes de la vida, i la komunidad te kondana (mahkum etmek) a estar solo en tu kashka (kabuk).
En la lucha de la vida (yaşam mücadelesi) la persona syempre es sola. Kuando gerreas kontra la vida sos syempre una armada (ordu) de una persona.
Kuando miras a delantre, de detras, al entorno, no topas a dingunos. Kuando deshas la buena vida yene estas solo. Todos los ke te konosen dizen “Era muy buena persona, pekado, era mansevo,” ets… ets…
Los individuos kuando no pueden solusionar los problemes de kadal dia se ansyean, se enkyetan (kaygılanmak). Por la sanedad i el kalmo del umano kale sosyalizarse kon el entorno.
El karakter del bivo, su estado psikolojiko, su situasyon ekonomika, sus amigos, su famiya, la fason ke se engrandesyo son los motivos prensipales para la ida (gidişat) de las relasyones.
Pensar pozitivamente asegura (sağlar) a ver todo, de la buena parte en la vida.
Kada demanyana vistir, ir al echo, u a otras okupasyones, detyene a la persona aktiva i yeno de motivasyon.
Si ay tempestas (kasırga, fırtına) en muestra vida eksteryora (dış), las ermozuras ke puedemos deskuvrir (keşfetmek) en muestra vida enteryora (iç), pueden salir a bash kon estas tempestas.
Eric Fromm disho por esta situasyon ke, “La soledad patolojika, aze sentir (hissettirmek) a la persona sola, mizmo en un entorno ande ay mil personas.”
Esto provyene del meoyo, de la fason de pensar.
Dingunos no son solos en las bueltas (döngü) de la vida.
Solamente,
• Kale lavorar, kale dar esforso (çaba) para ser aktivos en las asosyasyones i organizasyones.
• Tener relasyones kon las personas ke son entimas i onestas.
• Partisipar a las aktivitades artistikas (sanatsal).
• Okupasyones relijyozas, meditasyon, mantener bestias domestikas (evcil hayvan beslemek), okuparse de hobis diferentes ayudan a no sentirse solos.
Lo mas emportante es tener konfiensa en si mizmo i darse la valor menesteroza.
