Este anyo tuvimos 2 dias de eventos ke tuvieron lugar en el Oditorium de la Eskola Judia de Ulus.
Program:
Dia de 4 marso 2017, Shabat la noche:
20:30 - Kokteyl de Inogurasion.
21:00 - Silvyo Ovadya; Karen Şarhon, la kantika del dia.
21:15 - Profa. Susana Weich-Shahak (Israel), presentasion sovre los tangos sefaradis.
22:00 - Konserto de “Los Pasharos Sefaradis: Tangos Sefaradis del Dip del Baul”.
Dia de 5 marso 2017, Alhad:
13:30 - Enrejistramiento.
14:00 - Filmo de Centropa sovre la Libreria Molho (Gresia) en ladino.
14:30 - Anna Eskenazi / Süzet Herman / Karen Şarhon - “Djoha avlo espajo”.
15:10 - Can Evrensel.
15:00 - Antrakt para tomar un kafe.
16.:00 - Diplomatos Estranjeros.
16:10 - El Grupo Avlaremos - Henri Çiprut / Ceni Palti / Karel Valansi.
16:30 - Forti Barokas - Presentasion de Hasköy.
16:50 - Silvyo Ovadya - El Judeo-Espanyol en las tombas.
17:10 - Carolina Spiegel - Presentasion.
17:25 - Antrakt para tomar un kafe.
18:00 - Soli Avigdor - Rekuerdos.
18:20 - Rav Yeuda Adoni - Ketuba en Ladino.
18:30 - Esti Saul - Iris Apfel (stilista).
18:30 – Gran Rabino Izak Haleva.
18:40 - Dora Niyego - Anekdotas.
18:50 - Serrar kon la kantika del dia.
Preparando el program del Dia Internasional del Ladino/Judeo-Espanyol, avia propozado de avlar de la Ketuba (el akto). Mi propozision gusto i pregunti al onoravle Rav Yeuda Adoni si puedia onorarmos kon su presensia i kontarmos para aklararmos a este sujeto.
El Rav ke respektamos (el profesor de mis ijos por la preparasion de sus dias de Bar-Mitsva), se entereso i me disho:
“Una buena idea, kon grande plazer, i es enteresante, lo pensatesh muy bien. Sra. Esti, es por la primera vez ke este akto yamado Ketuba se va tradusir en Judeo- Espanyol.”
La Ketuba kontada por el Rav Yeuda Adoni:
“Matrimonio relijiozo.
Kuando un ombre se angaja kon una muchacha o mujer por formar una famiya, deve de firmar un akto ke es nombrado en la lingua Ebrea: “Ketuba”.
El kontenido de la Ketuba es:
La sivdad, el foburgo, onde se asta realizando la seremonia relijyoza del kazamiento, el dia, el mez i el anyo, sigun lel kalendario Judio.
Los dos dukados de plata ke el novyo le esta pagando komo la paga de su virjinidad, a su novya, el ashugar, las vistimientas i la dota ke trusho de la kaza de su padre.
İ sovre esto, el novyo puja el proprio sigun su posibilidad.
El novyo promete ke la vida entera la va mantener, la va vistir i la va onorar en todo modo de senso, i en vida de su mujer no va tomar otra mujer, si no la divorsa relijiozamente.
I firma estas todas kondisiones.”
El salon entero, kuriozos, suivimos el Sr. Rav eksplikandomos los detalyos del akto. Uvo kestiones:
- Sn Rav, i si la persona se kaza por la sigunda vez?
- La kondision es diferente, no es dos dukados, ma un dukado solo.
Una otra damma pregunto:
