EL KANTON DE DORA TREVES
Aki vash a topar unos muy ermozos byervos eksprimados kon muncho saverisyo i sensya por el ombre de negosyo (iş adamı) filantropo (yardımsever), investor (yatırımcı), antreprenor, i prezidente de la firma ‘Tata and Sons’. Su nombre es Ratan Naval Tata. El tyene 78 anyos, i es el Titan del negosyo Indio (Hintli). El es konosido por el saverisyo i la kapasidad de dirijir i de inovasyones (yenilikçilik). En mizmo tyempo es enspirasyon a los lideres del mundo.
Lo ke avlo en Londra es mus fasil i muy simple a entender i suivar.
1) No ambezesh a vuestros ijos i ijas a ke se agan rikos. Dalde edukasyon a ke se agan orozos. Es en esta manera ke van a saver la valor de los bienes al lugar de saver su presyo.
2) Ambezaldes a komer las komidas komo si fueran kuras, si no, pueden kedar ovligados de komer kuras al lugar de komidas.
3) El ke te kere biyen nunka te deshara mizmo si ay 100 modos de razones, ma topara solo una koza para no desharte.
4) Ay muncha diferensiya entre ser una persona i ser benadam. Muy poka djente savera la diferensya.
5) Sos muy amado kuando nases i seras amado kuando muereras. Entre el nasimyento i la muerte ser amado depende de tu kapachidad de reushir a ser kerer por tu entorno.
6) Si keres kaminar presto kamina solo, ma si keres kaminar muncho, kamina endjuntos.
7) El mijor doktor en el mundo es: el sol, el repozo, el egzersizyo, la dieta, tener konfiyensa en si mezmo i tener amigos en kada momento de la vida.
8) Si miras a la luna, vez la ermozura del Dyo. Si miras al sol, vez el poder del Dyo i si miras al espejo vas a ver el mijor kriyo del Dyo. Es por esto ke kale tener konfiyensa en su mezmo propyo.
9) Mozotros semos turistos viyajadores. El Dyo ya determino (ya dyo karar) de muncho antes a muestro viyaje. Kale tener konfiyensa en el Dyo. Por esto kita el plazer de tu vida kon salud i mira bueno a tu puerpo.
Embiya este mesaje a tus keridos. Ansi ize yo.
