Pudieron rekuperar del Muzeo de Berlin la ovra datada del 15. siglo.
La statua demostra 3 andjelos en las nuves i el bebe durmiendo (Jesus).
El Muzeo BODE de Berlin desidio de reparar la injustisia i render la statua a sus eredores.
El presidente de los muzeos de la sivdad, Michael Eissenhauer aze saver ke la ovra de arte, la statua datada de 1430, apartenia a la famiya Saulmann.
La famiya Saulmann fuyo de la Alemanya en 1935; se fueron a la Italia.
Los Nazis metieron mano a lo ke desharon en trokando de pais: sus tierra, sus fabrika de algodon, sus biblioteka i sus koleksion de arte, i un avion ke apartenia a Agathe. Mas de 100 ovras de arte fueron vendidas en una vendida avierta de Munih en 1936).
La famiya sintiendo los botes (chizmés) de los fashistos en Italia, se salvaron en indo a la Fransia, ke fue poko tiempo despues okupada por los Nazis tambien.
Los SAULMANN fueron internados en el kampo de konsentrasion, ma pudieron reushir a salvar sus vidas del kampo...
Un anyo despues de la Sigunda Gerra, Ernest Saulmann ke avia empesado kon problemes sanitarios en el kampo, peryo su vida en 1946.
Su espoza se suisido en 1951.
La ovra, antes 2 mezes, fue rekuperada por Felix de Marez Oyens. Se vendio i se rendio de muevo al Muzeo Bode...
El eredador disho:
“Esto konvensido ke mis parientes, Ernest i Agathe SAULMANN, serian mas kontentes de esta desizion.”
Keridos Lektores, vos auguro un anyo de pas.
EL DOO KE META LA MANO PARA SALVAR LA UMANITA I MUESTRA RASA... HAG SAMEAH....
Kon kerensia.
