En 1963, en el 23 Septembre de 1963 egzaktamente, djusto una semana antes de Rosh Ashana, entro en vigor la Ley de Shabat Igual, ke permite a los djudios observando el Shabat en la sivdad de Nueva York azer negosios o lavorar el diya de Alhad. Durante una grande parte del siglo XX, uno de los mayores impedimyentos para la observansia del Shabat en los Estados Unidos fue una semana de lavoro ke inkluiya el Shabat, i el diya de konje era el Alhad. En el mez de Junio de 1963 el governador de Nueva York, Nelson Rockefeller, firmo esta Ley de Shabat, ke da a todos ke biven en el estado de Nueva York, el derecho a los magazenes i negosios familiales a avrir i lavorar el diya de Alhad si serran el diya de Shabat en observansiya del Shabat.
Nueva York, kon la mas grande konsantrasyon de Djudios afuera de Israel, sinyo munchas leyes para akomodar la ekspresion relijiosa para todas las relijiones.
