Seyfi İşman
Hegkom, la komisyon de edukasion del Rabinato i Seyfi İşman ke siempre lavora komo el moderador de los dias de sinema, van a projetar el filmo “LA PROMESA DEL AMANESER”, es dirijido por Eric Barbier a la fin de esta semana en la eskola Judia de Ulus komo siempre. Despues del filmo, la famoza novelista, Buket Uzuner va ser muestra invitada i mos kontara sus pensamientos sovre el filmo i sovre las ovras de Romain Gary.
El filmo es sovre el autor Romain Gary ke eskrivio un livro bazado en una relasion autobiografiko publikado en 1960. El novelista, Frances Romain Gary, tambien konosido komo Emil Ajar, konta su infansia en Lituanya, los malos tratamientos de la djente en este pais kontra los judios, los anyos de estudios en Fransia. Sus anyos de gerra i sovre todos sus problemas kon su madre.
Desde la primera infansia, su madre le ambeza ken son sus enemigos. Mas tadre se pelea kon los ke se burlan de su madre. Kuando dizia ke era fransez, todos le akodravan ke era djudyo… Despues de munchos anyos, realiza el sakrifisio ke izo su madre por el.
Charlotte Gainsburg, la ija del famozo artisto, Frances Serge Gainsburg es la madre de Romain Gary en el filmo… I en el filmo, Pierre Naney fue el novelista famozo.
