tradusido: Karen Gerşon
Las investigasiones ke se izyeron en la Universidad de Frankfurt mostraron ke muestro sistema immun se esta enfortesiendo kuando estamos kantando!
En un eksperimento echo kon kantantes de un koro, tomaron la sangre de los koristas antes i despues de sus provas de koro. El koro kanto el Requiem de Mozart akel dia. Kuando miraron kualo afito a la sangre de los koristas, vieron ke sus sistema immun izo la sintesis del protein immunoglobulin.
Kantar es tambien un egzersisio maraviyozo...
De ke?
Porke kuando se uza el musklo diaframiko, se esta avryendo mas lugar para ayre en el puerpo. En esta manera el oksijen en la sangre se esta augmentando kreando una flkesibilidad aerobiko.
Kuando se kanta, se deve de estar vertikal i por esto la postura del puerpo tambien se esta enderechando. Kon esto los organes interiores no se estan apegando el uno al otro.
La famoza gazeta Daily Mail publiko un artikolo en su pajina en el internet diziendo ke kantar augmenta la respirasion, enfortalese los musklos del garon i del paladar i mete fin al ronkar i al apnea.
Los ombres de siensia toparon en sus eksperimentos ke kuando se kanta un chiko organo en la oreja ke se yama sacallus esta vibrando. Kuando este chiko organo esta en vibrasion, una sensasyon de plazer se krea en el meoyo.
Kantar diminua el nivel de stres diario. Tambien kantar aze ke el hormon oxytocin se ekskrete i produse kortizol.
Alora, ya es tiempo de empesar a kantar tu melodia favorita.
