El 10 de Febrero 2019, no desh palavra a dingunos porke tenesh un program maraviyozo organizado por el Sentro Sefaradi de Estambol, ke va tomar lugar en la eskola djudia. Sesh oras de aktividades, komidas maraviyozas sefaradis i el gute kon borekas vos asperan para gozarvos de este dia inolvidavle.
El Sentro Sefaradi de Estambol vos invita a partisipar a este dia maraviyozo kon konferensyas, video, djugos, la piesa de teatro LOS MACHUKADOS, eskrita por Forti Barokas i dirijida por Ferit Kohen, ke mos va azer pishar de la riza i muzika por el maraviyozo kantante CENK ROFE kon su orkestra ke mos va achileyar los korasones. Vini ke vos se achileye lo de aryentro!
Para tomar informasion i inskrivirse yama a: Emel Benbasat 0555 595 6358 / Karen Şarhon 0542 425 8176 / Tilda Benvenisti: 0212 231 92 82
