El Profesor Dr. Nevzat Tarhan mos dyo unos kuantos konsejos ke se deven de tomar por ser orozo.
1. Bever muncha agua.
2. Komer muncho en el dezayuno, manko a midi, i muy poko la noche.
3. Komer mas muncho alimentos de plantas, i mas poko alimentos produsidos en las fabrikas.
4. No pensar muncho en los problemas.
5. Topar tiempo para la orasyon.
6. Kada diya asentarse a lo manko diez puntos en silensyo.
7. Durmir regularmente.
8. Kada diya kaminar 10-30 minutos kon una sonriza en la kara.
9. No komparar su vida kon la de los otros. Dingunos no pueden saver komo es la vida de otros.
10. No tener pensamyentos negativos ke no se pueden kontrolar. En lugar de esto, gastar su enerjiya por el momento, apresyar la valor de kada momento ke respiramos i disfrutar de kada momento (keyfine varmak).
11. Deskuvrir la ermozura de la simplisidad.
12. No tomar la vida demaziya al seryozo. No olvidar ke ay murir.
13. No pedrer su presyoza enerjiya avlando de otros.
14. No pensar lo negro por otros.
15. El selo es pedritá de tyempo. Ya tyenes todo lo ke tyenes de menester.
16. Kale olvídar de los problemas del pasado. No kale akodrar de los yerros pasados de la djente. Esto enterompe tu felisidad.
17. La vida es demaziya kurta por pasar el tyempo en aboresyendo alguno.
18. Azer pas kon tu pasado para no peryer el prezente.
19. Kale akodrar ke la vida es una eskola i estamos akí para ambezar. Los problemas son parte de un programa de edukasyon, ke aparesen y desaparesen komo la aljebra, porke los kursos ke tomamos kontinuan la vida entera.
20. Riyir mas muncho i mirar a ser positivo.
21. No semos ovligados de ganar kada diskusyon. Mezmo si no estamos dakordo, kale mirar a azer akuerdo.
22. No olvidar a la famiya i demandar por eyos.
23. Dar una koza buena a otros kada diya. Riyir, dizir grasyas, azer komplimentos, ayudar i dar apoyo moral
24. Pardonar a todos por todo.
25. Pasar tyempo kon personas mas grande de 70 anyos i mas chikos de 6 anyos.
26. Kada diya sonriyir i saludar a lo manko tres personas ke no konosemos.
27. No kale preokuparse por lo ke otros pensan de ti.
28. Azer lo ke es djusto, i no arepentirse de los yerros. Todo lo ke afita es por nuestro byen!
29. Estar leshos de kualsiker koza ke no es menester, ermoza, o yena de alegríya.
30. El Dio kura todo, mezmo si no lo estamos realizando agora, todo lo ke bivimos es por nuestro byen.
31. Si una situasyon es buena o negra, pensar ke va trokar de una manera. Akseptar la situasyon.
32. No importa komo te syentes, alevantate, vístete i sal a la kaye. No te enserres en kaza.
33. La mijor koza dainda no afito.
34. Bendizir el Dio por ke te espertates bivo la demanyana.
35. Tu espiritualidad es siempre tu felisidad. Kudya tus sentimientos. Krear, azer orasyon, azer lo ke es menester i deshar el resto al Dio.
