Ekskuzáme ke ya aze buen karar de tyempo ke no eskrivi. Agora ya va empesar de muevo.
Vos keriya eskrivir sovre Charlie Chaplin, el muy bien renomado direktor de sinema britaniko, aktor, eskritor, editor, komediyano ke se identifika kon el personaje “Sharlo” ke kreó. El mos desho la buena vida a la edad de 88 anyos. Mos desho munchas dichas komo lisyones de vida.
- Nada es eterno en este mundo, ni mizmo muestros problemas.
- Me plaze kaminar debasho de la luvya, porke dingunos pueden ver mis lagrimas.
- El diya mas perdido en la vida es el diya ke no mos riyimos.
- Las mijores kuras del mundo son: El sol, el repozo, los egzersizes, la diyeta, la konfiyensa en si, los amigos.
Guadralas en todos los momentos de tu vida i toma plazer de una vida saludoza.
Kuando vez la luna, veras la ermozura del Dyo.
Kuando vez el sol, veras el poder del Dyo.
Kuando miras al espejo, veras tu figura ke es la mijor kreasyon del Dyo.
Todos semos viyajadores en este mundo. Dyo es la adjenta de viyaje ke forma muestro kamino i muestra destinasyon. Ten konfiyensa en el Kriyador i profita de la vida porke la vida es solo un viyaje. Bive el diya de oy kon alegriya i repozo.
Al vermos.
