Keridos lektores,
No ay diya ke no ay pujita en todo modo de artikolo. Seya los merkados, seya lo de komer, seya el entretenimyento. En el anyo muevo se aspera mas sovre todo los impuestos. Mas no kero sintir haberes en la TV. Djusto la ora de komer u aumentos u muertos. Las fakturas de agua, de gaz se izyeron dopyo, la elektrisita no kero ni dizir.
Una demanyana meldi un artikolo en medyos de komunikasyon muy enteresante. El artikolo estava byen largo i literaryo. Yo vos ize un chiko resumen.
El valorozo analisto de la IEA (Ajensia Internasional de Enerjiya), HEYMİ BEHAR, eskrivyo ke la jenerasyon de enerjia va deskuentar las fakturas de elektrisidad de trentisinko por syen.
El 60 por syen de esta kapachidad vendra solo de la produksyon de enerjia solar.
La China se konvertira en el lider mundial al kumplir kon la mitad de estos sistemas.
También se espera ke la India entre al merkado rapidamente. Los paises de la UE pueden entrar kon muevas politikas.
5 anyos de enerjiya solar representara el 70 por syen del kresimyento de la kapasidad elettrika mundial. Espero ke esta enerjia se realize una ora mas antes i ke todos mos benefisyaremos. Poder bueno a todos.
