Keridos Lektores,
Esta semana fue publikado mi chiko artikolo en la pajina Judeo-Espanyol del Şalom. Kero rengresyar a todos spesialmente a Karen.
Vos kero kontar un chiko rekuerdo un poko triste.
Yo estudyi en una eskola franseza aki en Estambol. Entremientres teniya muncho dezeo de ir a Paris i suvir a la Tour Eiffel. Mis padres me kaminavan muncho, ma la Fransya no uvo oportunidad.
En el anyo 1994 yo ya era kazada i me vino una hazinura mala, i me fui a Paris porke el mijor doktor estava ayi.
I en estando ayi, suvimos a la Tour Eiffel, i empesi a yorar. En kurto kero dizirvos ke la persona no deve dezear muncho porke el destino traye todo de si para si.
Keridos lektores, bendicho el Dio, ya me paso la hazinura i esto sana i rezya.
Vos esto saludando de korason.
