Las palavras del Ministro Çavuşoğlu ke lo prezento: "El ojo de muestra prensa turka, Sami Kohen es una marka ke no se envyejese..."
Jurnalisto Spesialisto de Novedades Estranjeras, una personalita umana, amavle, ke atira por su simplisidad, prekursor i perfeksionisto.
Reusho a azerse akseptar en la prensa turka, vigorozo entre sus linyas.
Apresiamos el profesor i amigo ke alkanso a la notoriedad de envergura internasional desde 1952.
Su padre, Albert Kohen, era el patron i el editor de la revista "La Boz de Türkiye" kreada en 1938.
Sami, semos gloriozos. Kontamos la importansa i la sinyifikasion del Premio.
En mi vida de periodista, resivi munchos premios. Este ultimo Premio kon el sertifikado i la medalya ke me fue atribuado de muestro pais, la Turkiya, es de grande importansa internasional.
En la seremonia en el Palasio de Dolmahçe – Estambol, el Ministro ÇAVUŞOĞLU, izo komentarios sovre muestra politika eksterior konstruktivos i instruktivos.
Mis kolegas periodistas toparon estas deklarasiones muy importantes i por esta razon muestra prensa se sintio onorada kon el motivo de este Premio.
Ansi un periodista-eskritor tambien meresio esta medalya.
Anterioramente, este Premio fue atribuado a akademikos o grandes empresarios...
Los mesajes de felisitasiones me gustaron i me rendieron muy onorado.
Munchas grasias, Kerido Sami. Felisitasiones...
