Despues de anyos, reviene el sujeto ke es bivo en muestras memorias, lo ke apartiene a muestra istoria TRAJIKA.
Ici je n'ai pas vu de papillon
Dessins et Poèmes des Enfants de Terezin
En este livro egzisten mas de 4000 desenes i sienes de poemas...
Esta publikasion mos prezenta una chika partida de las ovras de los adolesentes de Terezin ke eksprimaron sus penas para partajar sus suvenires, sus ambisiones i sus dezolasiones.
Viktimas, tenian esperansa de salvarsen i ser orozos kon sus keridos...
Los desenes i poemas eskritos por las kreaturas del getto de Terezin es un memorial de los ke no desharon engrandeser malorozamente.
El livro fue preparado por Anita Frankova i Hanna Povolna, segun el livro, "En el kamino de la muerte".
"Desenes i poemas de kreaturas en el kamino de la muerte" TEREZIN, 1942-1944.
Publkado por el Museo Nasional Djudio de Prague i la direktrisa Hana Volavkova en 1959.
Un poema de PAVEL FRIEDMANN i su pintura.
PAPIYON
El ultimo el ultimo
de un amariyo tan briyante, amargo, tan resplandesyente.
komo el kante de una lágrima
de sol kayendo sovre una piedrizika blanka.
Tan amariyo
i suvió tan alto, livyano
seguramente, seguramente para bezar su ultimo mundo
Siete semanas ke esto akí
en este getto
aki los mios
me toparon
aki me yaman las florizikas
i el ramo del kastanyo en el patio.
Aki no vide dingun papiyon.
El fue el ultimo...
No ay papiyones aki
en el getto...
https://www.judart.com/esti-saul.html
"Six Millions d'Innocentes Etoiles dans le Firmament".
