Klara PERAHYA
"The fourteenth World Congress of Jewish Studies " grande konferansya sovre los Estudyos djudyos al nivel mundyal ke desde 1957 reunise kada kuatro anyos todos los ke son konsernados por la kultura jeneral djudia ,avrira oganyo sus puertas Alhad el 31 Julyo en el Mont Scopus University de Yerushalayim, en prezensya de
Su exc. Moshe Katsav Prezidente del Estado de Israel
Menachem Elon Prezidente del World Union of Jewish Studies
Menachem Magidor Prezidente de la Universidad de Yerushalayim.
Su Exc.Yitzhak Navon Sinken Prezidente del Estado de Israel i aktual
Prezidente de la Fundasyon para la Promosyon del Ladino i su kultura
Prof. Ephraim Kanarfogel de la Yeshiva University
Prof. Rashid Kaplanov Prezidente de la "Europeen Association for
Jewish Studies
Sn.Eudaldo Mirapeix Embashador de Espanya en Israel
Benjamin Gaon Prezidente de Moshe David Gaon Center for Ladino
Culture de la Ben Gurion University
Yehoshua Selim Salti Fundador del Sentro Naime Yehoshua Salti de la
Universidad de Bar-Ilan
ansi ke nombrozos Profesores de diversas Universidades Israelyanas i estranjeras.
Grandes İntelektuales de kada parte del mundo, eskritores, poetas i gazeteros byen konosidos partisiparan a este kolokyo ke tomara fin el 3 Agosto a la tadre, kloturado por una vijita del muevo Muzeo de Yad Vashem.
Karen Gerşon-Şarhon Direktrisa del "Sentro de Investigasyones sovre la Kultura Sefardi Otomana-Turka" ansi ke Klara Perahya eskritora en la pajina Judeo Espanyol de la gazeta SALOM fueron invitadas a partisipar a los lavoros de esta Konferensya.
Muestra amiga Karen Şarhon tomara tambyen parte a un otro kongreso intitolado "Project of Sephardic Studies in Ladino America.
El sujeto de su konferensya sera "Las diferensyas en la vida Sefardi de Turkia, entre el empesijo i la fin del Venten siglo.
Eya partisipara tambyen a syertas aktividades muzikales ke tomaran lugar durante estos dos kongresos.
