En el parko
Ande vyenen repozar
Los aedados,
Un banko es entornado
De palomas.
Komo un lugar rezervado.
Kadal dia a la mizma ora
Se arekojen las palomas,
A la entrada del parko,
Por akompanyar asta el banko
Un vyejo kon en el ombro
Un sako yeno de mijos.
Esmovido, dishe al povereto ombre
``grasyas a ti se estan mantenyendo
las palomas``
No, respondyo el vyejo
No mi sinyor,
Son eyas ke me mantyenen.
