Hazar Yahudileri, günümüzde pek hatırlanmasalar da sadece Türk, Yahudi ve Kafkas tarihi açısından değil, bir bütün olarak dünya tarihi için büyük öneme sahip bir halktır. 5. yüzyıldan itibaren devletlerini oluşturmaya başlayan ve farklı dönemlerde İsrail, Bizans ve İran`dan aldığı göçlerle bir Yahudi sığınağı
Rav Yeuda ADONİ
Devarim
Savyendo Moşe Rabenu ke los diyas ke le restoran de bivir son pokos. Sigun el orden del Dyo, deve murir en esta tyera i no entrar a la tyera de Kenaan, mando a yamar a todo el puevlo de israel, en el kuarenten anyo ke salyeron İsrael de Ejipto. Todo este tyempo estuvo avlando i dandose a entender kon el puevlo, i akavidando los ke perkuren por el sostenimyento de la relijyon ke solo kon esto es lo ke puede egzistir el puevlo.
Enprimero fue traendoles a rekordo los pasajes ke pasaron dizde ke salyeron del ejipto fin akel dia. Las ovras maraviyozos ke izo el todo poderozo kon los ejipsyanos en favor de los cudyos. El diya tan gloryozo ke resivyeron la ley en el monte de Sinay, kon akeya vista temeroza, los milagros i los pasajes temerozos ke pasaron el el dizyerto. La desgrasya de el bezero de oro. El mal, ke izyeron las doce eskulkadores. La viktorya ke tuvyeron kon la gera de los dos grandes reynados Sihon i Og.
Despues les deklara toda la ley ke enkomendo el Dyo, todas las kozas ke fueron ovligados de azerlas i las kozos ke les defendyo de azer. Las enkomendo ke no se tiren de ovedeser las komandas de la ley. Sintir a sus kaveseras, i sus giadores. Despues les reprezento a Yeoşua bin Nun i les izo saver ke el es el ke va entrar en su luguar i los enkorajo ke entren a la tyera de Kenaan. Les izo espartir la tyera de Kenaan. Fikso a kada trivo el luguar ke deve ke tomar kon sus terminos.
