Klara PERAHYANo se reelmente si es una ventura o un terrivle desmazalamyento de bivir en muestra epoka, una epoka ande lo bueno i lo negro, la klaredad i las tinyevlas, el progreso i el oskurantizmo son a este grado prezentes, kaji apegados los unos a los otros.
Es una revolta ke me inspiro este poema. Mi revolta, a la vista, en los ekranes, de la muerte, de las krituras en las fuegos de Paris. Estas linyas, las esto dedikando a todas las kriaturas terrorizadas, maltratadas i muryendo de ambyertura, en el mundo entero…
KE NO KEDE EN
PALAVRAS…
En los jurnales esto meldando,
En las T.V’s esto vyendo,
Se esta avlando, diskutyendo,
Ma, nada no se esta azyendo…
En kada diya kon mueva agonia,
Kon terror i espanto komo kompanyia,
Sin konoser un poko de alegria,
Terrorizados noche i diya…
Una vida peor ke la muerte,
Una vida difisil i fuerte,
Esto no deve ser sus suerte,
Dingun umano no lo merese.
Ande estan? En ke sivdad?
Akeyos ke avlan de umanidad,
De igualidad i fraternidad,
Ande estamos? En verdad!…
Coya Delevi
30 Agusto 2005
