Y. Mimar Rubi ASAToplam 2746 m2 lik olağanüstü bir kompleks olan yapı topluluğu ve Büyük Sinagog binası yaşadığı ve günümüze dek yaşattığı anılarla Yahudilik inanç ve değerleriyle yaklaşık yüz yıl süren bir serüven izlemiştir. 2007 yılı bu Sinagogun yeniden inşaası halinde 100 üncü yapım yıl
Simon Wiesenthal muryo
Simon Wiesenthal ke dediko su vida a la bushkida de kriminales nazis muryo en Vyene a la edad de 96 anyos.
Ke su alma repoze en paz. Ke su alma repoze en ganeden.
Amen!
Diferentes myembros de la famiya Behmoiras reunidos en Estambol en una mizma bushkida de sus raizes
Es en muestra sivdad ke los diferentes ramos de la famiya Behmoiras se toparon en el eskopo de mijor konosersen i de realizar un proyekto de bushkida jenealojika.
Eyos vijitaron diversas İnstitusyones djudias, por empesar el Gran Rabbinato ande fueron resividos por Rav. İshak Haleva i el Prezidente de muestra Komunidad Silvyo Ovadya.
Un egzemplaryo del "Arvol jenealojiko" ke fue realizado durante los sinko dias ke turo esta reunyon familyal, fue remetido al Muzeo del Kuinsentenaryo.
En muestra epoka de mundyalizasyon, kon sus multiples avantajes ma tambyen su inevitavle konfuzyon, "toparmos los unos los otros" devino una nesesidad imperativa i mos salva munchas vezes de esta terrivle soledad ke es la soledad al seno mizmo de la muchidumbre .
Todas muestras felisitasyones i muestros mijores suetos a la famiya Behmoiras en su totalidad.
Simpozyum Internasyonal en Ankara
Primer Enkontro Istoriko-Kultural Hispano-Turko-Sefardi
Un primer Kolokyo Istoriko-kultural Hispano-Turko-Sefardi tendra lugar durante tres dias ,del 28 asta el 30 (inkluzo) del mez de Novembre 2005, en la Universidad de Ankara, Fakultad de Lingua, Istorya i Jeografiya.
Las konferensyas seran echas en İnglez, Turko, Espanyol i Ladino.
Este ermozo proyekto es realizado por la "Asociacion Cultural y de Amistad Ibero-Americana", kon la kolavorasyon de la Embasada de Espanya, de la Universidad de Ankara i del Instituto Cervantes.
Betül Benarditi i Ceki Bilmen aunaron sus vidas en el amor i la alegria
Es kon grande plazer ke anunsyamos el kazamyento, Alhad el 18 del mez koryente, en la Sinagoga NEVE ŞALOM, de muestra kolavoradora Betül Benarditi kon Ceki Bilmen.
Todas muestras felisitasyones a las famiyas Benarditi i Bilmen i muestros suetos de felisidad kumplida a Betül i Ceki.
Un agradesimyento muy meresido
Muestra Sekretarya Bella Parlakşimşek resivyo de la parte del Komite responsavle de la Organizasyon del "Dia Evropeo Djudyo" en muestra sivdad, un sertifikato de agradesimyento por su partisipasyon aktiva i su grande ayudo en la sirkunstansya.
Felisitamos de alma i korason Bella Parlakşimşek i le oguramos de ser syempre sitada de una manera elojyoza.
