Rav Yeuda ADONİİ sera, kuando sineres a la tyera ke el kriyador te dyo por eredarle, i la eredareş, tomaras de los primeras fautas i pozaras en un sestiko. İ andaras a el luguar ke el kriyador Tu Dyo eskojera. Vendras a el Koen i diras: atorgo oy a el kriyador ke yo entri en la tyera ke el kriyador curo a nuestros padres ke nos aviya de dar. El Koen tomara el sestiko de tu mano lo pozara delantre de la ara (Mizbeah) de el kriyador. İ responderas i dir as delantre de el kriyador. Kon poka cente Yaakov avinu desendyo a ayifto, se izo ayi cente grande fuerte i munça. Los Ejipsyanos nos meltrataron i nos afriyeron i metyeron sovre nosotros servisyo duro. İ esklamimos a el kriyador dyos de nuestros padres. İ oyo el kriyador a nuestra boz i vido nuestra afriyisyon. İ nuestra lazerya. İ nos kito el todo poderozo de ayifto kon mano fuerte i braso tendido i kon espanto grande i kon sinyales i maraviyas. İ nos truşo a este luguar i nos dyo esta tyera. Tyera manan leçe i myel i agora yo truşe las primeriyos de las frutos de la tyera ke me dates. Ol mi kriyador! İ lo deşaros delantre del kriyador. İ te enkorvaras delantre del todo poderozo i te alegraras kontodo el byen ke el. Santo bendiço te dyo a ti i a tu kaza tu i el Levi i el peligrino ke mora kon ti.
Kualo es la enportansa de la Mitsva de Bikurim de yever los primeros frutas a el bet-amikdaş onde el Koen?
Tener la fey, la Kreyensa ke el todo poderozo kriyo el mundo. El mundo esta dirijido kon una fuersa muy grande i alta ke es la fuersa de el todo poderozo. Las eças ke son eças mezo las personas tambien son dirijidas de parte del todo poderozo no puedemos dizir kon mi fuersa parvine a azer tala ovra. Sino oy el ayudo de dyos afilu una ojika del arvole no aze su movimyento por esto devamos dar lobres a el kriyador por kada respirasyon; respirasyon ke respiramos. En kada momento el nos esta dando la fuersa de estar enpyes i bivir.
Nuestra vida esta dekolgada a su orden. Dunke en yevando los primeros frutos a el luguar ke eskojo el kriyador ke es el Bet-amikdaş i denusyar a el Koen el pasado nuestra i dar los frutos enel bet-amikdaş a el Koen traye a el ombre a ser umilde i no ser orgolyozo enfrente su rikeza i su azyenda. Tambien la persona deve ser rekonosyente. Ke todo el bien ke tyene es una dadiva del Şem yit barah. Avraam Avinu planto un arvol en Beer Şeva ai resiviya a la cente i les dava a Komer i a bever i les Kontava la grandeza i la altura del kriyador. Kuando lo rengrasyavan por todo lo bueno ke les dyo. Yo no vos di nada sino del toda poderozo komites i bevites a el rengrasya les diziya. Kuando el todo poderozo ve las loores ke le damos kontodo nuestro korason, el se apiada de nosotros i piya su bendisyones sovre nosotros.
