K.P.La Televizyon İnternasyonal Franseza T.V.5 konsakro 24 oras de su programa a la Turkia i esto fue una enorme kontentes para los frankofones de muestro payis.Komo Frederic Mitterrand (Organizador i koordinador de este espektakolo) lo disho "es otra koza de konoser un payis a travers la prensa o los livros i absolumento otra de estar si mizmo sovre el terreno, de ver kada koza kon sus propyos ojos o oir kada uno kon sus propyas orejas.
La semana pasada, la Sinyora Rozet Menda Mizrahi , en un elancho de sinsera amistad enverso la gazeta "ŞALOM", eskrivyo un poema yeno de kerensya ke muestra amiga Forti Barokas (aktualmente Prezidente del Komite de Damas del Dostluk) tuvo la buendad de traduzir en Judeo-Espanyol en tenyendo el kudyo de mentener el akrostish:
Şalom, kaskada ke mos trankiliza
Asperamos este dono semana por semana
Lo tenemos menester komo pan, komo agua
Otro no ay, es la sola kantika
Mos da felisidad, Istorya i Kultura
Rozet Menda Mizrahi
