Klara PERAHYA“Kasador de kriminales de gerra” o “Konsensya de la Umanidad”, Simon Wiesenthal fue uno de lo primeros ke, malgrado el silensyo i la indiferensya de despues la segunda gerra mundyal, rendyo su dinyita a la memorya de los 6 milyones de judyos ke muryeron en los kampos nazis.Por interes politiko o puede ser simplemente ekonomiko, munchas altas İnstitusyones i munchos governos ke pretendian ser los defensores de la Djustisya, dyeron azilyo o perme
Refleksyones sovre la muerte de S. Wiesenthal
Por Elie Perahya
La prensa internasyonal anunsyo la muerte de Simon Wiesenthal (z.l.) en apegando a su nombre la ekspresyon "kasador de los nazistos".
Esta refleksyon no ekspresa la verdad. El no fue nunka un kasador, el no bushko la vengansa sino ke la aplikasyon de la djustisya.
En opozisyon a la "kayades i a la indiferensya de los puevlos" el metyo en perikolo su vida en la bushkida de los kriminales nazis afin de entregarlos a los djuzgos.
La aplikasyon imperativa de la djustisya (Tzedek) es una de las grandes valores del patrimonyo del puevlo djudyo i es a este titolo ke el nombre de Simon Wiesenthal sera syempre nombrado i kedara un simbolo de koraje en la Istorya de la Umanidad.
