Sara YANAROCAKBir zamanlar, Tanrı yanına bir melek çağırarak ona, "Bu Roş Aşana için, yeni yılda bana dünyadaki en değerli şeyi bulup getir" dedi. Melek kanatlarını gererek açtı, Tanrı`nın buyruğunu yerine getirmek için yeryüzüne doğru yola çıktı. Her yeri gözlemledi, inceledi. Ormanlara, dağların zirvelerine, yumuşak ve mis koku
Klara PERAHYA
Kada erev de Roshashana, resivimos la anyada mueva kon suetos, bindisyones i la ... konviksyon ke una fuersa okulta va por milagro todo enderechar.
Raramente azemos en toda lusididad el bilanso no solo de los akontesimyentos ma tambyen de muestra propya responsavilidad: "aktos de aparensya poko importantes", "palavras pronunsyadas munchas vezes sin refleksyon", "indiferensya delantre syertos evenementos" i sovre todo, en munchos kavzos "silensyo, djustamente al momento i ande kale imperativamente intervenir"...
Al nivel mundyal, 5765 fue un anyo maldicho, en kada lugar del mundo kalamidades ke mos paresyeron ser naturales ma ke en realidad son puedeser konsekuensas del orgolyo umano.
Muestra epoka es la epoka del triumfo tekniko, ma no etiko.....la ambrera amenasante en munchos lugares de la tyerra, las inegualidades, los prejuisyos... la apatia de los unos kontra la enerjia eksesiva de los otros.
El rezultado es grave .La natura se revolto porke molestada, la sufriensa se troko en aborresimyento i el dezespero en aktos lokos..
Ma en las tinyevlas, envezes chikas luzes se asyenden..aktos de filantropia, aktos de ayudo, aktos de kerensya mas fuertes kel egoizmo i el orgolyo.
Ansi Alhad demanyana, grasyas a la jenerozidad de un ombre eksepsyonal Rafael Torel i del lavoro asiduo del komite komo del korpus medikal del Ospital Or Ahaim, un muevo Departamento de Jeriatria, dedikado a la memorya de Alegra Torel (ke su alma repoze en ganeden), avyo sus puertas a ombres i mujeres en el apreto.
Guerfano, edukado por una madre maraviyoza ma de kondisyon ekonomika muy modesta, Rafael Torel tuvo una chikez muy difisil... Un dia, a la edad de 17 anyos, el se topo delantre la fragua del Ospital de Balat de entonses, en el frontal del kual estava gravado el nombre "Kaduri". Esmovido, el izo une promesa al Dyo "Si tengo el poder, i yo un dia vo azer lo mezmo, vo pagar mi devda.
Alhad demanyana, el mizmo pronunsyo las palavras sigyentes: "Lo prometi al Dyo...Prometi ke si un un dia teniya la posivilidad, i yo vo azer un Sentro Ospitalyero"..oy esto pagando mi devda.
De una parte, derrokiyo, indiferensya i indjustisya ...de la otra Karidad i Karinyo.
Ke 5766 sea un anyo de refleksyon, de paz, de juıstisya .....
