Ninet BİVASAlhad le 18 Septembre kon unos kuantos amigos moz huimos a Edirne. Entre eyos Albert i Soli Eskenazi una de las dalkavo famiyas ke salyeron de Edirne en 1991, i el sinyor Sabi Behar de Miami ke estava bushkando las trasas de su famiya. Su padre oy de 89 anyos teniya 2 anyos kuando se fue de Edirne kon su madre i ermanos; su padre aviya murido kuando teniya el 1 anyo, de dizanteriya en la primera gerra mondial. Dospuez un kamino de doz oras i mediya ayegimos a
Rav Yeuda ADONİ
Roş Aşana orasyonamos, i demandamos piadades por el mundo entero. Kada pekado trae danyo a el pekador i a el mundo entero. İ las eças buenas. Ke aze el ombre trae bien a el azedor i a el mundo entero. El diya de Roş Aşana ke es la kreasyon de el mundo i de el ombre, trae el todo poderozo a el ombre a el cuzgo por suz eças. El ombre en estos diyas deve de azer un egzamen de konsensya, por sus eças, por favor de el mundo entero. La persona deve pensar, ke son la eças buenas, ke izo verso el Kriyador, i verso las Kriyansos? İ a la kontra lo yerros ke izo verso el Kriyador i la cente. Por los yerros devemos de demandar “Mehilo” Pardon i azer teşuva.
Teşuva es aripintimyento, por los yerros akometidos. Konoser el yerro, deşarlo, i no repetarlo.
La misyon de el ombre en este mundo es: De yamor el nombre de el Kriyador, ser atado a la Tora. İ giyarse en la vida sigun la seluntad de el Kriyador. Komo meldamos en los perakim. “Az su veluntad komo tu veluntad, para ke aga tu veluntad komo su veluntad”.
En estos diyas devemos orasyonar, i azer ovras de byen. Ansi se apiadora el Kriyador a darmos una anyada buena.
La boz enfluente de el şofar, nos esperta los korasones dizyendomos “Espertavos de vuestro esfuenyon komo meldamos enel livro de yona “İjo de ombre, de ke estos durmiendo, alevanta i yamo a tu Kriyador”.
El şofar es ke nos esperta, i nos aze akodras nuestro doveres umanos.
El savyo Rabi Seadya Gaon, la enkomendansa de el şofar, ke estamos tanyendo diya de Roş Aşana la eksplika en dando syertas razones.
La enkomendansa de el şofar esta mansyonada en la Tora i en Roş Aşana sintyendo la boz de el şofar nos akodramos.
La kreasyon de el mundo ke fue endiya de Roş Aşana. İ lo enreynamos a el Kriyador sovre el mundo entero. Roş Aşana es el primer diya de las diyas de Teşuva, kon la boz de el şofar nos espertamos a azer teşuva. Nos akodramos el resivimyento de la Tora en monte de Sinay. Nos aze akodrar los buenos konsejos ke nos dyeron las profetas ke sus bozes asemejan a la boz de el şofar. Nos aze akodrar la destruisyon de nuestro sontuvaryo i rogamos de ver fraguado nuestro santuvaryo. Nos aze akodrar el akto de Avraam nuestro padre ke yeva a su ijo Yitshak a sakrefikardo ke ordeno el Kriyador. Mezo la boz de el şofar vamos a tener esponto i myedo i nos vamos a kerrantar enfrente de el Kriyador. No mos vamos a olvidar ke nos topamos en los diyas de cuzgo. Esperamos ke vamos a ser apekojidos de kuatro arinkones de la tyera. İ seva realizar nuestros demandas de el Kriyador.
Ke se yamos eskritos en livros de vidas buenas i largas ke eskape el anyo kon sus maldisyones ke enpese el anyo kon sus BENDİSYONES.
ŞANA TOVA UMEVOREHET.
