Klara PERAHYAMi amiga Christine Hannah Lochow -Drüke , presyoza eskritora de la revista "El Amaneser", me eskrivyo lo sigiente al sujeto de mi artikolo de la semana pasada, tratando de dos sujetos diferentes: 1) "los pasharos ke eran para mozotros un simbolo de libertad i ke devinyeron oy objekto de espanto", 2) " la ekstraordinarya reushita del puevlo Judyo en el kampo syentifiko"Vos transmeto tekstualmente una partida de su letra :
Coya DELEVİ
Emborrachado de sus viktoryas, Aleksander Magno, kijo pujar otro un poko su glorya en bushkando muevas aventuras. İ fue ansi ke dechidio de azer una ekspedisyon al korason mezmo de la Afrıka. Sus konsejeros, perkuraron a konvenserlo ke este atako era muy perikolozo:"Ekselans, en el korso de este viaje viajaarenkontrar las Montanyas Pretas ,tan altas ke no deshan pasar afilu los rayos del sol .İ no vaj a pueder kontinuar vuestro kamino."
"No esto enyegando las difikultades " respondyo kon sanya Aleksander, "Ma, yo esto dechidado,I no voz demandi konsejo para ke me deskorajesh. Kero ke me mostresh los kaminos de venser los obstakolos".
Vyendo la rezolusyon ferma del sovereno, los konsejeros, alora le disheron:"Devesh antes de todo prokurarvos aznos blankos de Misraim, ke son kapavles de topar el kamino mezmo en la eskuridad. Tambyen tenesh menester de kuedras muy largas I muy rezyas kontra la umidita. Kuando arrivatesh al reynado de la eskuridad, devesh enklavar un pilar a la tyerra para atar la kuedra. A mezura ke vaj avansar aryento el pais,eya se va dezbolverse I ansi vaj a puder topar fasilmente vuestro kamino al retorno".
Aleksander izo asegun los konsejos. Traverso sin dingun mal el pais de la eskuridad. Apenas ke arrivo a la frontyera del reynado de las Amazonas, les deklaro gerra. Eyas le disheron :
"Muestras armadas son kompuestas solo de mujeres. En kavzo ke mos venses no va ser una glorya para ti. Se va dezir ke reushites a venser una armada flaka de mujeres. İ si al kontraryo, semos viktoryozas, va ser una verguensa para ti. Toda la glorya I fama del grande Aleksander se va manchar."
Sovre estas palavras, el Rey se rezinyo a no gerrear. Se ato de amistad kon las Amazonas, ke le izyeron a sus torno munchas onores. El Rey, ambreado, demando un kanton de pan. Fue enkantado de ver el kanton de pan en oro ke le sirvyeron. Demando si no aviya otro pan en el pais , a kualo le respondyeron las Amazonas:
"No kreemos ke es para komer pan ordinaryo ,ke ya tyenes en tu pais izites este viaje tan danjerozo !.."Alora, Aleksander admetyo la superyoridad de las Amazonas, I en partyendo desho esta inskripsyon en la puerta de la sivdad :Yo, Aleksander ,Rey de Masedonia, fui un grande bovo. Las Amazonas me dyeron sezudeza."
En el kamino del retorno arrivo delantre las puertas del Paradizo. Demando a entrar. Una boz le respondyo ke ayi era la purta del ETERNAL, I ke solamente los djustos podiyan entrar. Aleksander insistyo para entrar, I sovre el refuzo kategoriko, demando a lo menos un rekuerdo de su pasaje. Le echaron el ojo de un umano defunto.
Aleksander, en su pais, tuvo la idea de pezar este ojo, para topar su kontravalor en oro I plata. Ma ,fue enkantado de ver ke malgrado todos sus esforsos, el ojo estava syempre mas pezgado ke las djoyas.. Alora demando a los savyos la eksplikasyon de este fenomeno. Le respondyeron:
"İnche el ojo kon tyerra." Apenas el Rey izo ansi, vido ke la tasa del ojo empeso a suvir. Los savyos le dyeron a entender ke akel ojo de una persona ke nunka , en vida , se arto de kontemplar sus rikezas. İ adjustaron:
"Entende la lisyon Ekselans. Toda ambisyon ,toda glorya I rikeza son vanas I eskapan kuando la tyerra las kuvija. La persona deve posedar otras vertudes para pueder entrar al Paradizo "
P.S_ Esta fue una lejenda tomada del TALMUD. La meldi tambyen kon un final diferente komo:" OJO VAZİYO NUNKA SE ARTA "
Manadero: Contes et Lejendes d’Israel.
