Klara PERAHYALa semana pasada en la sala de Ifsak (Istanbul Fotoğraf ve Sinema amatörleri Derneği), asisti a una proyeksyon fotografika realizada por Maurice Aseo, poko tyempo antes del ravaje krual provokado por el oraje Katerina, dandomos ansi la vizyon del ultimo karnaval fyestado en la sivdad de New Orleans, el karnaval del " Martez graso" ("Mardi gras", fyesta kristyana ke tyene sus raizes en la leshana mitolojia, fyesta dedikada al plazer i a la sensu
En las noches yeladas del invyerno
Por Elie Perahya
En las noches yeladas del invyerno
Los rayos entezados de las estreas
Entran por mi ventana
Bushkando un poko de kayentor.
En estos momentos, mi korason se estremese
I me demamdo: Ken so yo? Ke bushko aki?
Pedrido en la immensidad del universo
Enkarselado komo un esklavo,sin puerta para salir.
Mi eksklamasyon suve asta las estreas
I mi espanto komo la agila verso las alturas.
Ken puedra apaziguar mi alma?
La sensya apalpa al deredor
Komo una ormiga syega
Bushkando su kamino.
Malgrado mi soledad,no yoran mis ojos
Solo la verdad i la djustisya, komo olas de fuego
Avren la huente de mis lagrimas.
Eyas rompen mis kadenas i me dan la fuersa de bivir
En las noches yeladas del invyerno.
