Klara PerahyaAlhad el 6 i Lunes el 7 del mez de novembre, tuve el immenso onor de partisipar al kongreso organizado por la Komunidad Judia de Livorno enjuntos kon "La Autoridad Nasyonal del Ladino i su Kultura" İnstitusyon Israelyana enkavesada por Yitzhak Navon sinken Prezidente de Israel ansi ke por Moshe Shaul fundador de la revista "Aki Yerushalayim" i kon la presyoza kolavorasyon del direktor Aharon Kohen.
Rav Yeuda ADONİ
Las primeras dos pareşiyot de la Tora “Bereşit, Noah”, meldamos la kriansa de la natura, del mundo, i la maz presyeza i valoraza korona del mundo “La kreasyon del umano”.
Los primeros sieklos primitivos de la kriansa Umana, se developo muy negativ, la fuersa brutala dominava, eyos se aleşaron de la moral Divina i en konsikuensa se developo la kultura idolatra. En akeyas epokas obskuras, una luz aklaro al mundo “Avraam” el padre del Monoteizmo.
D... aze su alliansa kon “Avraam” Venivrehu beha kol mişpehot aadama... Konti se van a bendizir todros las famiyas de la tyerra.
Avraam se kargo la misyon, da azer konoser al mundo la moral divina i humana amor de las kriansas i amor de kriador del mundo.
El kapitolo i de la peraşa aktual, nos da a konoser la jenerozidad i la Amor de Avraam a las kriansas. El, mezmo en estando adolensyado kon las dolores de la sirkonsizyon korye a la ayuda del nesisitozo i ambyerto. El luça tanbiyen mezmo kontra la desizyon divina, komo meldamoz en el mizmo kapitolo 18. Su korajoza famoza defensya, para salvar las sivdades Sedom i Amora.
Ke abondansa de amor i defendeder de lo dereços umanos, versetos el umanizmo los nesesita mezmo en nuestra apoka.
Avraam el padre kerido del Monoteizmo, universal, nos da el mesaje el maz grande, ke de nos se degaja la moral la maz alta del individuo i del humanizmo.
“Ahen en Yirat Elokim bamakom aze vaaraguni. Lugar donde no ay temor de D. me pueden matar” keryendo dizir persona ke no syente la boz de su propya konsensya, ninguna Ley sosyal o fuersa de Polisia puede frenar de azer lo malo o la encustisya, i mezmo matar a una persona.
Por ke la mankura de temor de D..., serra la boz de la konsensya, en vezes un idealizmo falso o yerrado lo aleşa a la persona de la Moral umana, i devyene komo persona kuruel i enimigo de la kriansa umana, komo lo vimoz en la istorya.
