David OJALVOAralık ayı süresince sayfamızda "Türk Yahudilerinin sanattaki yerini" sorgulayacağız. Sanattaki yerimizi ararken cemaatimizde bu alanda önde giden isimlerden, okur mektuplarına kadar çeşitli görüşleri paylaşmayı hedefliyoruz. Dosyamızda ilk olarak, 15 yıldır gazetemizde çizen, karikatür sanatçısı İzel ROZENTAL`le yaptığımı
Dora NİYEGO
Partisipar a korsos de müzika i de pintura es una forma de terapiya. Los hazinos pueden benefisyar de estos korsos de punto de vista fizikal, sentimental i sosyal. Los investigatores deskuvyeron ke dar gusto a los ojos i a los oyidos ayuda la persona a kurarse mas presto.
Esto no es una ideya mueva. En las notas de Florence Nightingale eskritas en el anyo 1860, estas frazes estan eskritas:" Rozas kon kolores briyantes ayudan al hazino de kurarse mas presto. Las personas dizen ke el efekto es en el meyoyo. Esto no es djusto. El efekto del arte es en el puerpo.‚ Ken save, puedeser ke es por esto ke es uzo de yevar rozas a los hazinos.
Akel tyempo dingunos no saviyan la razon porke los hazinos ke oyiyan müzika o viyan pikturas se aziyan maz presto buenos.
Anyoz duspues, rezultados de investigasyones amostraron ke ay una dependensya entre los artes i la sanedad.
En una investigasyon Amerıkana, kuarenta i sej mujeres ke fueron operadas de la matriz fueron eksperimantadas en un hospital. La mitad de estas mujeres fueron metidas en kamaretas kon una ermoza vista de arvoles. Las kamaretas de las otras hazinas estavan viyendo solo tejados. Las mujeres del primer grupo no tuvyeron muncho menester de kalmantes i salyeron del hospital uno o doz diyas antes del sigundo grupo.
Dizimueve investigasyones fueron eksperimantadas por David Evans en la Australia del Sud por el efekto de la müzika. David Evans pudo konkluir ke la müzika es una kura muy efektiva i barata para kurar la inkiyetud.
Mas munchas investigasyones fueron eksperimantadas en la Ingleteria. Trenta i doz hazinos partisiparon en estos lavoros. ‘’ Por la primera vez topimos provas fizikales i biolojikas de la influensya del arte en la sanedad ‘’eskrivyo Rozalia Lelchuk Staricoff en una magazin medikal.
Investigadora Debbie Fenlon de Israel esta dizyendo ke reduzir la inkiyetud i la depresyon enfortese el sistema de immunidad de la persona afin de gerreyar kontra el kanser i las otras hazinuras.
Por prova , ochenta i tres hazinos partisiparon en este lavoro. Los hazinos fueron divizados en tres grupos. Los del primer grupo oyeron müzika unos kuantos diyas. Los hazinos del sigundo grupo fueron echados en kamaretas kon pinturas enkolgadas en las paredes. Estas pinturas fueron trokadas de vez en kuando para ke los hazinos no veygan las mezmas kontinualmente. Los del treser grupo fueron kurados en kamaretas sin muzika i sin pinturaz. Los rezultados de los testes psikolojikos amostraron ke la müzika i la pintura amenguan la depresyon i la inkiyetud de los hazinos por trenta por syen, la müzika syendo mas efektiva de la pintura.
Kreyo ke va aver djente agora dizyendo Ya ay tantos hazinos en la sivdad ke los hospitales, los doktores i las enfirmieras no estan abastando para kurarlos.
Agora vamos a pensar kualas pinturas enkolgar en las paredes o kuala müzika azerles oyer.
Si la müzika i la pintura estan enfortesyendo el sistema de immunidad de la persona, penso ke no avra mas ermoza i mas barata kura ke el arte.
