David OJALVOAralık ayı süresince sayfamızda "Türk Yahudilerinin sanattaki yerini" sorgulayacağız. Sanattaki yerimizi ararken cemaatimizde bu alanda önde giden isimlerden, okur mektuplarına kadar çeşitli görüşleri paylaşmayı hedefliyoruz. Dosyamızda ilk olarak, 15 yıldır gazetemizde çizen, karikatür sanatçısı İzel ROZENTAL`le yaptığımı
Tresladado por Metin DELEVI
Despues de munchas negosyasyones kon las otoridades lokal, un savyo Djudio, un Talmudisto de Odessa, a la fin, resivyo la otorizasyon de vijitar Moskova. Suve al treno, i se asenta en un lugar vaziyo. A la estasyon siguente, entra. un mansevo, i se instala djusto al lado del savyo.
El savyo, todo en observandolo, se mete a pensar:" Este mansevo no tyene el ayre de un kazalino. Dunke, si no es un kazalino, deve probavlemente ser de este dristikto. I si vyene de este distrikto, es siguramente Djudio, porke es un distrikto Djudio. Ma, de otra parte, syendo DJUDİO, ande puede irse? Yo so el solo Djudio de este distrikto, tenyendo la permisyon de ir a Moskova.
"Ah, atansyon! En la banliyo serkana de Moskova, ay un kazaliko ke se yama Samvet. Es el uniko kazal ande los Djudios no tyenen menester de "laisser passer". Ma, deke va viajar asta Samvet? Sin duda, para vijitar una de las famiyas Djudias. Ma, kuantas biven en Samvet ? Ah, solamente doz.Los Bernstein i los Steinberg. Ma, komo los Bernstein son antipatikos, este buen mansevo esta sin duda indo a vijitar los Steinberg.
"Ma, deke va este mansevo ir a vijitar los Steinberg a Samvet? Eyos tyenen solo doz ijas. Dunke puede ser sus yerno. Ma, alora, kon kuala de las doz ijas es kazado? Ya savemos ke Sarah Steinberg kazo kon un buen avokato de Budapest. Ester tomo un merkader de Zhitomer. Dunke el mansevo deve ser el marido de Sarah. Esto kere dezir ke se yama Alexandre Cohen,si no me yerro.
"Ma, si vyene de Budapest, kon este todo antisemitismo de ayi, se trokaria el nombre…Kualo es el ekivalente de Cohen? Es Kovacs. Ma, una ke ayi, achetaron ke troke el nombre, deve tener un estatuto espesyal,para pueder azer esto. Ke sera esto? Ah, deve posedar un doktora de la Universita. Mas nada no es posivle ".
A este momento, el savyo Talmudisto se abolta verso el mansevo, i le dize:"Muncho pardon,Dr. KOVACS, puedo avrir un poko la ventana?"
"Seguro", responde el mansevo, enkantado. "Ma, komo konosej mi nombre?"
"Bof !", responde el Talmudisto,"esta tan evidente!!…"
MANADERO ANONIMO
