Galata se dirija por Beyo?lu; los luares ke kedan entre Tophane Azapkap?, i la kula de Galata.
En los tyempos antigos el nombre de Galata era Sykai o Sykuadis. Entornada de muraya, aryento aviya una eglizia, un hamam, una teatro, sinko molinos, 400 moradas i 40 guardias.
El nombre de Galata se supoza ke puede vinir de Gala ke deve dizir leche en Grego. Una otra supozisyon es ke vyene del ?talyano Genoveze "Caleddo" sinyifyando suvida.
En Galata biviyan los Katolikes. Los Ortodokses los yamavan Galus. En Anatolia ande biviyan los Katolikes se yamava Galatea.
En el 12en siglo los Genovezes se enstalaron aki. Los Venizyanos por un kurto tyempo renyaron. Era una mozaika de deiferente puevlos i relijiyones. En el 19en siglo kuando la populasyon pujo se agrandesyo para ariva i el Beyo?lu de muestors dias se fraguo. Komo Galata era la abitasyon de los marineros era en mizmo tyempo un sentro de divertimyento. Achakes de los fuegos se renuvelo munchas vezes. Los historyanos de Bizans apuntan ke el primer ponte en el Haliç fue fraguado en el tyempo de Justinyanus, en el 6en siglo i el nombre era Aghios Khalinikos.
En la era de BeyazitII, Leonardo de Vinci prezento al sultan un proyekto sovre un ponte en el Haliç. Dospuez de 350 anyos en el tyempo de Abdulmecit el primer ponte fue fraguado por Bezm-i Alem Valide Sultan. Los diferente nombres de este ponte eran: C?sri-Cedid, Valide Köprüsü, Yeni Köprü, Büyük Köprü, Yeni Cami Köprüsü, Güvercinli Köprü. En muestros dias se nombra solamente el ponte de Galata. El ponte fue renovado en 1863, 1875 i 1912. Se kemo el 16 Mayo 1992. Dospuez de renovarlo lo enstalaron entre Balat i Hasköy. En su lugar se fraguo un muevo ponte ke se avre i se sera.
La Kula de Galata:
El sembol de Galata es sin dupyo la Kula de Galata fraguada por los Genovezes eb 1348. En el tremblamyento de tierra de 1509 tuvo muncho danyo. Fue renovada sovre el orden de Beyaz?tII por el architekto Muart bin Hayrettin. La Kula en el 15en siglo fue utilizada komo prizyon i en el 18en siglo komo lugar para surveyar el fuego. En 1794 i 1831 fue enteramente kemada; tuvo danyo en la tempesta de 1894. En 1960 fue renovada enteramente. La Kula es de 12 etajes i 61 metros de altura.
Transledado i adaptado del magazin In
