No aviya remedio de eskonder u fuyir, kon fuersa lo echavan a la kama al hazino i la gradmama ya viniya con una tavla (Tray en Inglez) yena de ventozas i una kandela ensendida dandoselas a la madre de la kriyatura para ke enpese a plantarselas en la espalda de la kriyatura.
La ventoza se tomava en la mano se eskupiya aryentro para ke se apage un pedasiko de algodon, i este algodon kon la kandela se kemava i immediatamente se aboltada la ventoza i se plantava en la espalda.
A las vezes el algodoniko kemando kayiya ensima de la espalda i kemava el kuero, i era de sintir los gritos de la kriyatura kuando se le kema el kuero.
Sinko u sej ventozas se plantava en la espalda chika. Estas ventozas se apegavan en el kuero, despues de unos kuntos puntos, se kitavan i se pasava karos de tentura diot, i el ijiko se kuvijava kon dos kolchas para ke sude i ke le pase la hazinura ke se yelo.
Oy en diya ralamente se siente de esta metod, ma en la Kina (China) onde uzan Homopatic medicina puedeser pratikan laz ventozas.
