Vatan Gazetesi`nde köşe yazarı ve Skytürk Kanalı`nda "Basın Köşkü" programının yapımcısı ve sunucusu Mine Kırıkkanat ile "Perşembe Sohbetleri" çerçevesinde Fransa`daki azınlık soruları, Avrupa ve Türkiye`de antisemitzmin yeri üzerine konuştuk. Bu haftaki sütunlarımıza Mine Kırıkkanat`la gerçekleştirdi&
Coya DELEVİ
LA VERDADERA FELISIDAD (2)
A la fin, entero chapeteado, el ombre disho:"Kualo aviya dicho yo?..Una kazika?!! ..No un palasyo kon lajas de marmol, paredes de sedro,(sedir ağacı) Kero pasear en una karosa akompanyado de munchos mosos." "I Yo," disho la mujer,"Kero vestirme komo las prensesas, una korona de diamantes i aniyos presyozos."
"El todo poderozo voz arregalo una rikeza ke no meresitesh .Agora ke tenesh muncho bueno, devesh pensar a los desfortunados."disho la madre.
Ma el arador i su mujer, embolvidos en la kontemplasyon de los oros dechidaron de avrir la tresera kasha, ke asegun eyos deviya kontener perlas i diamantes. El ombre ya aviya empesado a sintirse tal un rey.La mujer pretendyendo ke la mitad del trezoro era su dirito, (hak) estava azyendo iluzyones: sus vestimyentas i van a ser tan manyifikas, ke la reyna i las prensesas, afilu se ivan a selar.
El arador, ke entremyentes, ya aviya reushido a meldar la eskritura de la tresera kasha, grito kon birra (öfke):"Kayate un poko, no digas lokuras!.Mira lo ke ay eskrito en esta kasha": "EL KE ME AVRE PYEDRE TODO LO KE POSEDA"
El ombre, no keryendo riskar, disho ke lo ke teniyan era bastante i lo mijor iva ser enterrar de muevo esta kasha .Ma, la mujer, en dezakordo, keriya a todo presyo avrirla. El arador, kon un resto de ezitasyon, a la fın, no podyendo rezistir a las rogatinas i amenazas (tehdit) de su mujer, i malgrado los avertisimyentos (uyarı) de la madre, avyo la kasha.
El sielo, klaro fin akel momento, en supeto se eskuresyo, la tyerra tremblo, una tempesta violente empeso. Marido i mujer kayeron dezmayados del espanto. Kuando vinyeron en si, vyeron ke las doz primeras kashas aviyan desparesido, i.de la tresera, doz imensas formas umanas estavan aparesyendo entre el umo. Eran ADAM I HAVA, ke les dezıyan:"Vos topatesh en la mezma situasyon de las personas ke djuazgatesh, i fuitesh tambyen sombayidos."
I desparesyeron deshando la tresera kashika vaziya. El arador i las doz damas, kedaron terrorizados, i fue la nikochera ke se remetyo la primera. Les disho kon kerensya:"La verdadera felisidad es saver kontentarse kon lo ke tyenes en la mano. No pensesh a estas rikezas ke vinyeron i se fueron en un momento."Paso un anyo…El profeta Eliau Anavi, pasando por los mezmos kampos,se topo enfrente de un tablo maraviyozo: el arador teniya un muevo nasido entre sus brasos, ke, el i su famiya, estavan kontemplando kon amor, todo en rengrasyando el sielo.
El Profeta Eliau ,aserkandose le disho:"Porke razon es ke no te estas keshando malgrado ke lavoras diya entero? Te izites riko?"
"Me embezi ke la vera felisidad no se topa en las rikezas, ma en la kontentes interyora. Tenemos un techo, un kampo ke mos da el pan, i demas, una kriatura mas presyoza ke todo el oro del mundo."
I, la mujer, afishugando (okşamak) el bebe, disho:"Es verdad, estamos orozos.".A kualo, adjusto la nikochera, emosyonada:"Agora puedo irme trankila(huzurlu), vyendo mis ijos tan kontentes i orozos."
Kontente de ver los mansevos en el kamino derecho, el profeta Eliau, los bendisho i se alesho djuntos kon su dishiplo.
TOMADO DEL ORİJİNAL
