La peraşa de la semana

VAERA

Moşe Rabenu sirvyendoşe de la Sara ke le apronto i el Kriyador en el Monte de Harev por ke aga kon eya todos los sinyales i meraviyas. Entro al palasyo. Topandose Moşe i Aaron delantre de Paro, le avizoron el Komande del Kriyador de der la libertad a su puevlo Yisrael.
Paro no tomo en Konsiderasyon estas palavras, de Moşe i Aaron. Paro izo apergor el yugo de su sirvisyo sovre el puevlo cudyo kon una krueldad.
Pasando un syerto tyempo, se prezentaron otra vez Moşe i Aaron onde Paro. Por darsen a konoser kon el, ke son mandados de Kriyador.
Paro no ovedesyo el komando de Dyos. İ suporto i zo süportar a su puevlo munços males i desgrasyas por no dar la libertad a los cudyos. Al Kavo fue farsado de mandar a Yisrael de sutyera.
Sigun rekonta muestra Tora en entervolo de un anyo, Mando el Kriyador dyez yagas una mas fuerte ke otra. Enprimero se trokoron las aguas del Nilos, en sangre, i muryeron los peşkados del riyo. Despues se muçiguaron en el riyo los ranas, i solyendo despues de la agua, Kavzaron munços danyos en la tyera. Despues se kon Kriyo en todo el Ejipto unos piojoz de una manera muy feya i danyoza. Mas despues arivo a el Ejipto unos animales. Krueles, ke Kevrantaron munço a los Ejipsyanos. Despues uvo una muestaldad terivle en las Kuatropeas ke izo munço danyo. Una fea i muy negra sarna les vino a todos las Ejipsyanos asta no pueder süportar. Despues uvo un buen pedrisko ke danyo todos los frutos del Kanpo. No abasto esto les mando despues a la langosta ke boryo todo lo sembrado. Despues les mando el kriyador una fuerde eskuridad ke tura tres diyas tres noçes de una manera ke los izo Keuranter munço. Syendo no se puedian munçoz kada una de su luguar. Todos estos males fue suportando oro en tal de estar en su Kapriço i no randar a los cudyos de su tyerra.