La peraşa de la semana

Rav Yeuda ADONİ

BO
A la dyezena yaga, MAKAT BEHOROT no pudo para suportar esta el karo, i se le ablando un poko su korason. I despues de sufriyir bastante ke todos los ijos mayores de las ejipsyones, sin diferensya de çiko a grande fin el ijo de paro, muryeron todos de una en la medya de la noçe de 15 de Nisan. Paro fue forsado de parte todo su puevlo de yamar akel momento a Moşe i a Aaron i regarles ke salyeron eyos ig todas los cudyos del Ejipto i la regaron por su vida.
En la medya noçe del 15 Nisan de este anyo, mana dizir Paro a todo cudyo ke se topavan en la tyera de Geşer. Ke eyos eran liberos ke ya puedion salir de Misrayim. A el punto los cudyos ke ya estavan pronto esperando esta ora se rekojeron todos kon prisa en el Korti Raamses. La manyana en el 15 Nisan salyeron todos los cudyos del Ejipto. Kon grande koraje i alegriya despues de aver en esta pais 210 anyo. La suma del puevlo ke salyeron del Ejipto era komo 600.000 personas de ombres de 20 anyos para ariva fin a 60 anyos. Endesparte de monsevos manka de vente i vyejos mas de 60 anyos. Mujeres i kreaturas akel diya salyeron tambiyen munça cente de otros puevlos ke estavan en el ejipto i se akuntaron kon el puevlo cudyo.
El puevlo ejipsyano konasyendo a los kavos la grande encustisya ke kometyeron kon los cudyos en luguar de tantos buendades ke vyeron de el i vyendo ke ay Dyos en los syelos. Ke pago a kada un sigun su ovra. Kijeran afalagarsen un poko ke eyos i les fueron eron regelandoles munça plota i oro i pyedras presyodas i munças kozas volutodas i les aziyan demandar todo lo ke teniyan menester, para darles en tal afalagarlos. Ansi salyeron los cudyos de Misrayim kon munço rikeza. Sigun se lo prometyo a Avraam Avinu kuando le avizo lo ke teniya de arivar a sus ijos.