Rav Yeuda ADONİİ yamo el Kriyador a Moşe, i le avlo de la tyenda del plazo (Mişkan, Santuvaryo) dizyendo: Avla a los ijos de İsrael i diles Kuando un ombre de entre vozotros ayegara alsasyon de la kuatro pea a el Kriyador.
En el Talmud nos endika: El ombre ke trae un prezente a Yeruşalayim i ve el servisyo ke se rije enel Santuvaryo, le vyene un sintimyento de Yirat Şamayim temor de dyos, el tyempo ke egsistiya el Santuvaryo Yeruşalayim era una sivdad yena de temor, de Dyos.
Por esto es diço: Ki mitsiyon tetse Tora Udvar Aşem Miruşalayim. De tsiyon sale la Tora, i la palavra de Dyos de Yeruşalayim.
El Santuvaryo paza temor de Dyos sovre el ombre. Meldamos enel Talmud. Dize Raban Şimon ben Gamliel. No egsistyo diyas alegres enel puevlo de İsrael komo diyas de Kipur i tu beav. Ke enestos diyas las ijas de İsrael se vistiyan vistimyentos blankas, por no averguensar a los ke son menesterozas. İ se enperestavan unas de las otras.
La alegriya de Yom a Kipurim era, por kavza ke es diya de perdonarisa.
Tu beav 15 de el mez de av, era el diya ultimo te traer lenya a el santuvaryo por los korbanot. Los ke eran apropyados a esta misyon, se gustavan ke topavan tyempo para el estudyo de Tora.
Sigun meldamos en la peraşa: El ombre ke morava teşos de Yeruşalayim, por ayegar el Korban se iva a Yeruşalayim. Enel Santuvaryo su korason se inçiya de alegriya.
Un midraş nos konta:
Un pekador ke manera se pueda perdonar?
La sensya responde dizyendo:
El mal presige a el pekador.
La visyon (nevua) la profeta responde disyendo. La muerte lo perdona.
La Tora responde disyendo:
Ke trayga un kakrifisyo (Korban) i ke se perdone.
El Kriyador responde disyendo:
Ke aga Teşuva i ke se perdone. Daki entendemos, la Teşuva, el arepintimyento es mas grande de un sakrifisyo.
Agora ke no egsiste santuvaryo, i tambien sakrifisyos. La orasyon ke azemos kon entisyon buena, suve a los syelos i nos eskopa de todo modo de mal.
Komo es diço un şalema Parim Sefatenu. Nuestros lavyos ramplasan los sakrifisyos.
